Annað árið í röð finnst Íslendingum Play vera það flugfélag sem hefur jákvæðustu áhrifin á samfélagið. PLAY hafnaði í fyrsta sæti í flokki flugfélagi í Sjálfbærniásnum sem var veittur í vikunni en niðurstöðurnar eru byggðar á könnun sem fyrirtækin Prósent, Langbrók og Stjórnvísi leggja fyrir almenning.
Kannaður var hugur almennings til á sjötta tug fyrirtækja og þeim gefin stig út frá þeim svörum sem voru gefin. Ef fyrirtæki fékk 0 – 49 stig er það talin slæm frammistaða, 50-59 stig meðalgóð frammistaða, 60-69 stig er góð frammistaða og 70 stig og yfir er afbragðsgóð frammistaða. Play hlaut 72 stig og þar með í sjötta sæti yfir öll fyrirtæki á landinu og eins og fyrr segir í fyrsta sæti í flokki flugfélaga.
Ein af lykilspurningunum sem lagðar voru fyrir úrtakshópinn var spurningin: Ég er ánægður með framlag fyrirtækisins til að hafa jákvæð áhrif á samfélagið.
Er því ljóst að Íslendingar eru ánægðir með framlag Play sem býður upp á vinsælar áætlunarferðir frá Íslandi til fjöldra áfangastaða á góðum kjörum.
„Við erum verulega stolt að sjá þessa niðurstöður. Hún er enn ein sönnun þess að Íslendingar eru taka virkilega vel í okkar þjónustu og velja okkur í síauknum mæli til að komast í draumafríið sitt á lægra verði. Við kappkostum við að veita farþegum okkar frábæra þjónustu, hvort heldur sem þegar þeir eru að bóka flug eða þá í háloftunum. Þessi viðurkenning veitir okkur byr undir báða vængi að gera enn betur og og við ætlum svo sannarlega að standa undir því,” segir Einar Örn Ólafsson, forstjóri Play.
