Tónlistarmaðurinn Gauti Þeyr Másson, Emmsjé Gauti, segist aðspurður ekki vera efni í næsta borgarstjóra eða yfirhöfuð efni í pólitík.

„Ég held að ef ég myndi fara í borgarstjórn eða ríkistjórn, þá myndu líða svona 17 mínútur þar til ég yrði spilltur,“ sagði Emmsjé Gauti í viðtali við Ísland vaknar á K100 aðspurður um hvort hann væri ekki efni í næsta borgarstjóra Reykjavíkur, jafnvel sem sameiningartákn borgarinnar.

„Ástæðan fyrir því að ég á ekki að vera í pólitík er sú að ég hugsa alltaf: „Hvað er best fyrir mig og frænda minn?“ Þess vegna leyfi ég öðrum að sjá um þetta. Það eiga bara að vera einhverjir sem eru ekki með þessa hugsun sem stjórna.“

Emmsjé Gauti gaf árið 2016 út lagið Reykjavík og hann segist myndu gefa leyfi til að nota lagið ef einhver vill gera slíkt í pólitiskri baráttu.

„Það má alveg nota lagið ef það kemur einhverri stemningu á.“

Hlusta má á viðtalið í heild sinni hér.