fbpx
Þriðjudagur 09.september 2025
Eyjan

Inga Sæland svarar gagnrýninni fullum hálsi og segir komið fram við þjóðina eins og fífl – „Óvandaðir falsfréttamiðlar“

Eyjan
Miðvikudaginn 22. janúar 2025 21:24

Ekki missa af Helstu tíðindum dagsins í pósthólfið þitt

Lesa nánar

Mikið hefur mætt á Ingu Sæland, félags- og húsnæðismálaráðherra, frá því að stjórnarsáttmáli ríkisstjórnarinnar var kynntur skömmu fyrir jól. Morgunblaðið hefur gengið sérstaklega hart gegn flokki hennar, Flokki fólksins. Sem dæmi má nefna að í skoðanadálki ViðskiptaMoggans í dag segir:

„Inga lýsir því að eignum almennings sé beinlínis stolið, væntanlega þá af stjórnmálamönnum sem ákveða vegferðina. Nú þegar hún sjálf límir saman ríkisstjórnina og hefur öll þau völd sem hún kærir sig um þá gerir hún ekkert.“

Eins vakti miðillinn á því athygli í gær að Flokkur fólksins er skráður sem frjáls félagasamtök en ekki sem stjórnmálasamtök og hefur því undanfarin þrjú ár þegið styrki úr ríkissjóði án þess að eiga rétt til þess.

Þingmenn úr stjórnarandstöðunni hafa líka farið mikinn í gagnrýninni en þar er skemmst að minna á að Diljá Mist Einarsdóttir, þingmaður Sjálfstæðisflokks, sendi Flokki fólksins væna pillu í aðsendri grein hjá Vísi í dag þar sem hún skrifaði:

„Það tók Ingu og fylgisveina hennar einungis nokkra daga að svíkja þessi loforð kinnroðalaust eftir kosningar. Hún byrjaði í raun að gefa eftir strax að þeim loknum og svikin voru síðan skjalfest með ríkisstjórnarsáttmálanum. Ég er ekki viss um að kjósendur muni gleyma þessu svo glatt.“

Inga Sæland svarar nú gagnrýninni fullum hálsi. Hún furðar sig á því hvað auðvaldið ætlar nú að leggja mikið á sig til að reyna að sverta flokk hennar, sérstaklega þar sem Alþingi hefur ekki einu sinni komið saman síðan ríkisstjórnin tók við völdum.

Hún segir að fjölmiðlar sem hafi tekið þátt í þessari aðför að henni, sem eru í eigu auðmanna og stjórnmálaafla, séu að koma fram við fólkið í landinu eins og fífl. Hún skrifar á Facebook:

„Ég vil senda ykkur öllum hjartans þakkir fyrir að standa vaktina með okkur þegar þeir sem tapað hafa völdum eyða allri sinni orku í að sverta Flokk fólksins sem mest þeir mega.
Alþingi ekki einu sinni komið saman hvað þá að þingmálaskrá ríkisstjórnarinnar hafi komið fram.

Hvernig dettur nokkrum manni i hug að tala um svikin loforð án þess að hafa séð verkin sem við ætlum að vinna.

Óvandaðir falsfréttamiðlar í eigu auðmanna og ákveðinna stjórnmálaafla koma fram við fólk eins og fífl.

Ekki missa vonina því hún er yfir og allt um kring.

Áður höfðum við hátt í stjórnarandstöðu nú erum við komin með stjórnartaumana ásamt okkar frábæru samstarfsflokkum og svo sannarlega mun samfélagið okkar allt fá að njóta þess að þið gáfuð okkur ykkar dýrmætu atkvæði.

Bjartsýni og bros bjarga deginum“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 4 dögum

Nína Richter skrifar: Popúlismi er tæki og við erum fólk

Nína Richter skrifar: Popúlismi er tæki og við erum fólk
EyjanFastir pennar
Fyrir 5 dögum

Þorsteinn Pálsson skrifar: Utanríkispólitík stjórnarandstöðunnar

Þorsteinn Pálsson skrifar: Utanríkispólitík stjórnarandstöðunnar
Eyjan
Fyrir 1 viku

Orðið á götunni: Framsókn leikur á reiðiskjálfi

Orðið á götunni: Framsókn leikur á reiðiskjálfi
Eyjan
Fyrir 1 viku

Yfirburðir Samfylkingarinnar og Sósíalistaflokkurinn undir tveimur prósentum

Yfirburðir Samfylkingarinnar og Sósíalistaflokkurinn undir tveimur prósentum
Eyjan
Fyrir 1 viku

Segir að skipun Ólafs boði nýja tíma í vinnubrögðum á Alþingi – „Þarna fannst mér sleginn allt annar tónn“

Segir að skipun Ólafs boði nýja tíma í vinnubrögðum á Alþingi – „Þarna fannst mér sleginn allt annar tónn“
EyjanFastir pennar
Fyrir 1 viku

Sigmundur Ernir skrifar: Ekki vera það sem þú ert

Sigmundur Ernir skrifar: Ekki vera það sem þú ert
Eyjan
Fyrir 1 viku

Ólafur tekinn við af Hildi

Ólafur tekinn við af Hildi
Eyjan
Fyrir 1 viku

Vinnslustöðin lokar fiskvinnslunni Leo Seafood og segir 50 starfsmönnum upp

Vinnslustöðin lokar fiskvinnslunni Leo Seafood og segir 50 starfsmönnum upp
EyjanFastir pennar
Fyrir 1 viku

Nína Richter skrifar: Frelsi til að vera tussa

Nína Richter skrifar: Frelsi til að vera tussa