Hildur Sverrisdóttir, þingflokksformaður Sjálfstæðisflokksins, hefur beðið Samfylkinguna afsökunar á staðreyndavillu sem hún hélt fram í aðsendri grein í Morgunblaðinu í morgun. Þar hjólaði Hildur meðal annars í Samfylkinguna í borgarstjórn Reykjavíkur og sagði kjósendur ekki geta treyst loforðum flokksins um bættan hag barnafjölskyldna.

„Í bar­áttu sinni við að telja barna­fjöl­skyld­um trú um að þau séu best til þess fall­in að stýra för hef­ur Sam­fylk­ing­in til að mynda lagt fram stefnu með fögr­um fyr­ir­heit­um en reynd­ar líka blygðun­ar­laus­um sögu­föls­un­um líkt og að tólf mánaða fæðing­ar­or­lof hafi orðið að lög­um und­ir þeirra for­ystu árið 2012. Hið sanna er að það var gert fyr­ir fjór­um árum af sitj­andi rík­is­stjórn,“ skrifaði Hildur í umræddri grein.

Í færslu á Facebook-síðu sinni bendir Hildur á að hún hafi haft Samfylkinguna fyrir rangri sök varðandi þetta atriði.

„Þetta var ekki alveg rétt hjá mér því þáverandi ríkisstjórn Samfylkingar samþykkti vissulega árið 2012 að koma á 12 mánaða fæðingarorlofi í þrepum til ársins 2016. Þau áform tóku aldrei gildi því þau voru metin ófjármögnuð vegna stöðu ríkissjóðs af ríkisstjórninni sem tók við og var hámarksupphæð orlofsins hækkuð í staðinn. Það var svo árið 2020 sem fæðingarorlof er hækkað i 12 mánuði af núverandi ríkisstjórn,“ skrifaði Hildur og bætti stórmannlega við:

Hér má lesa færslu Hildar á Facebook: