fbpx
Þriðjudagur 18.júní 2024
Eyjan

Bjarni vill ræða breytingar á kjördæmaskipan og hærri þröskuld á fjölda meðmælenda forsetaframbjóðenda

Eyjan
Föstudaginn 7. júní 2024 09:00

Bjarni Benediktsson

Ekki missa af Helstu tíðindum dagsins í pósthólfið þitt

Lesa nánar

Bjarni Benediktsson, forsætisráðherra, hefur boðað formenn allra flokka, sem eiga sæti á Alþingi, á fund þar sem breytingar á stjórnarskránni verða ræddar.

Meðal þess sem rætt verður er kjördæmaskipan, vægi atkvæða, ákæruvald Alþingis og hugsanlega lágmarksfjöldi meðmælenda forsetaframbjóðenda. Morgunblaðið skýrir frá þessu og hefur eftir Bjarna að þetta sé vinna sem eigi sér langa sögu, teygi sig aftur í síðasta kjörtímabil.

Hann sagði að nú hilli undir lok kjörtímabilsins og þá sé kominn tími til að skoða hvað flokkarnir geta sameinast um.

Aðspurður sagðist hann telja líklegt að rætt verði um breytingar á fjölda meðmælenda forsetaframbjóðenda: „Ég er þeirrar skoðunar að þann þröskuld ætti að hækka. Ég efast ekki um að þeir frambjóðendur sem höfðu mestan stuðning í forsetakosningunum hefðu farið létt með að komast yfir hærri þröskuld en þann sem er í dag,“ sagði hann.

Hann sagðist einnig vilja ræða efni sem lítið hefur verið rætt fram að þessu en það er kjördæmaskipanin. „Það er mín tilfinning að kjósendum í landinu þyki kjördæmin vera of stór, sérstaklega á landsbyggðinni. Ég finn fyrir því að í Norðvesturkjördæmi, Norðausturkjördæmi og Suðurkjördæmi er fjarlægðin á milli kjörinna fulltrúa og fólksins of mikil og ég vil kynna hugmyndir um breytingar sem eiga að draga úr stærð kjördæmanna,“ sagði hann.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 5 dögum

Þorsteinn Pálsson skrifar: Þrjár leiðir eftir kosningar

Þorsteinn Pálsson skrifar: Þrjár leiðir eftir kosningar
Eyjan
Fyrir 6 dögum

Sigmundur Davíð: Ríkisstjórnin mesta woke-stjórn sögunnar – ríkisstjórn Jóhönnu og Steingríms í þriðja sæti

Sigmundur Davíð: Ríkisstjórnin mesta woke-stjórn sögunnar – ríkisstjórn Jóhönnu og Steingríms í þriðja sæti