fbpx
Föstudagur 21.júní 2024
Eyjan

Fyrrverandi leiðtogi og ráðherra Vinstri Grænna afhjúpar hvern hann kýs og það er ekki Katrín

Eyjan
Sunnudaginn 26. maí 2024 13:51

Ekki missa af Helstu tíðindum dagsins í pósthólfið þitt

Lesa nánar

Jón Bjarnason fyrrverandi ráðherra Vinstri grænna ætlar ekki að kjósa Katrínu Jakobsdóttur sem næsta forseta Íslands. Hann skrifar á bloggi sínu að hann kjósi Höllu Hrund Logadóttur sem hann segir geisla af einlægni, hlýju og hugrekki sem prýði góðan forseta.

„Ég ber virðingu fyrir örðum forsetaframbjóðendum. En væntingar mínar, vonir og sýn fyrir forseta Íslands speglast skýrt í orðum og hlýrri framkomu Höllu Hrundar“

Jón segir að í máli Höllu Hrundar birtist mikil umhyggja og virðing fyrir náttúru Íslands og gæðum hennar og eins fyrir sögu, auðlindum og menningu þjóðarinnar. Á þessum gildum þurfi að byggja farsæla framtíð komandi kynslóða. Hann segir Höllu fjölmenntaðan heimsborgara sem geti þó líka tekið á móti lömbum, brugðið sér á hestbak og sungið: Ég berst á fáki fráum, fram um veg.

„Halla Hrund er laus við að vera hluti af pólitísku valdatafli og hagsmunabaráttu innlendra sem erlendra stórfyrirtækja. Halla Hrund er svo sannarlega ein af okkur öllum hvar sem við stöndum. Ég styð Höllu Hrund Logadóttur sem næsta forseta Íslands.“

Orð Jóns um pólitískt valdatafl og hagsmunabaráttu stórfyrirtækja vísa væntanlega til þeirrar umræðu um að til standi að koma forsetaefni á Bessastaði sem sé sitjandi ríkisstjórn þóknanlegur, eða frambjóðendum sem eru tilbúnir að ganga hagsmuna þeirra sem eiga peninganna. Enda hafa margir velt því fyrir sér hvers vegna Sjálfstæðisflokkurinn og Morgunblaðið sem gjarnan er bendlaður við Valhöll, séu að berjast af kjafti og klóm fyrir framboði fyrrverandi forsætisráðherra.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 3 dögum

Lestu hátíðarræðu forsætisráðherra – „Skautun, netárásir og undirróðursöfl sem skeyta engu um framtíð landsmanna“

Lestu hátíðarræðu forsætisráðherra – „Skautun, netárásir og undirróðursöfl sem skeyta engu um framtíð landsmanna“
Eyjan
Fyrir 4 dögum

„Samfylkingin má vera fegin að losna við þetta fólk“

„Samfylkingin má vera fegin að losna við þetta fólk“