fbpx
Föstudagur 21.júní 2024
Eyjan

Bjarkey ósátt við umræðuna um sjókvíaeldi – „Starfsfólk ráðuneytisins er dregið ofan í svaðið“

Eyjan
Laugardaginn 25. maí 2024 13:30

Ekki missa af Helstu tíðindum dagsins í pósthólfið þitt

Lesa nánar

Mikil umræða hefur verið um stjórnarfrumvarp matvælaráðherra um lagareldi. Bjarkey Olsen Gunnarsdóttir matvælaráðherra telur að umræðan hafi farið úr böndunum og fordæmir ósannindi gegn starfsfólki ráðuneytisins sem hún segir að hafi verið höfði uppi. Þetta kemur fram í aðsendri grein á Vísir.is.

Bjarkey segir lögunum ætlað að koma böndum á sjókvíaeldi og gera náttúrunni hærra undir höfði. Í umræðu um málið hafi hins vegar starfsfókl ráðuneytisins verið að ósekju sakað um óheilindi:

„Hávært ákall um gerð skýrs lagaramma í kringum sjókvíaeldi hefur verið viðvarandi lengi. Það verður að koma böndum á þessa atvinnustarfsemi, enda engri slíkri hollt að vaxa án skýrra laga og stefnu. Í stjórnarsáttmála ríkistjórnarinnar er þessa getið. Skýrsla Ríkisendurskoðunar sýndi síðan svart á hvítu að aðgerða var þörf.

Frumvarp til laga um lagareldi hefur vakið mikla athygli. Þar er lögð grundvallaráhersla á að gera náttúrunni hærra undir höfði með tilliti til lagareldis, eins og undirstrikað er í matvælastefnu frá árinu 2022.

Við það virðast ekki allir sáttir. Því miður hefur borið töluvert á því, í þeirri miklu umræðu sem hefur skapast í kringum málið, að starfsfólk matvælaráðuneytisins sé sakað um óheilindi. Við því verð ég bregðast enda er slíkur rógburður bæði ómálefnalegur og ósmekklegur.“

Farsælast að hafa leyfin ótímabundin

Mestur styrr hefur staðið um þau áform að hafa starfsleyfi fiskeldisfyrirtækjanna ótímabundin. Segir Bjarkey að það hafi verið talið farsælast til að tryggja náttúruvernd. Engin annarleg sjónarmið hafi þar legið að baki:

„Eftir ítarlega skoðun var talið farsælast að hafa leyfin ótímabundin til að tryggja ofangreind sjónarmið. Að baki þeirri ákvörðun lágu engin annarleg sjónarmið heldur þau einföldu rök að auknum réttindum atvinnurekenda fylgi stórauknar heimildir stjórnvalda til að grípa inn í sjókvíaeldi á forsendum umhverfis-, náttúru- og dýraverndar. Sá þáttur var þó harðlega gagnrýndur og er nú unnið að breytingum á tímalengd leyfa í meðförum atvinnuveganefndar Alþingis.“

Bjarkey segir umræðu um frumvarpið hafa verið þunga og ómálefnalega. Uppi hafi verið tilhæfulausar ásakanir á starfsfólk ráðuneytisins:

„Umræðan um frumvarpið hefur verið þung og á köflum ómálefnaleg. Því miður. Sérstaklega er ömurlegt að sjá gagnrýnendur viðhafa ummæli sem fela í sér ásakanir á hendur tilgreindum starfsmönnum ráðuneytisins, sem fela í sér brigsl um refsiverð brot ef sannar væru. Undir því get ég ekki setið þegjandi.

Það er of langt mál rekja hér þau fjölmörgu dapurlegu ummæli sem birst hafa frá framlagningu málsins þar sem starfsfólk ráðuneytisins er dregið ofan í svaðið en þeir sem þau hafa viðhaft vita um hvað er rætt. Það liggur í augum uppi að það er ég sem ber ábyrgð á frumvarpinu eins og það fór fyrir Alþingi, hvar ábyrgðin nú hvílir á framgangi þess. Ég hvet til þess að umræðan verði færð upp á málefnalegra plan.“

 

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 3 dögum

Ole Anton Bieltvedt skrifar: Vinsælasti flokkurinn stefnulaus!

Ole Anton Bieltvedt skrifar: Vinsælasti flokkurinn stefnulaus!
Eyjan
Fyrir 3 dögum

Lestu hátíðarræðu forsætisráðherra – „Skautun, netárásir og undirróðursöfl sem skeyta engu um framtíð landsmanna“

Lestu hátíðarræðu forsætisráðherra – „Skautun, netárásir og undirróðursöfl sem skeyta engu um framtíð landsmanna“
EyjanFastir pennar
Fyrir 6 dögum

Óttar Guðmundsson skrifar: Hvalamálið

Óttar Guðmundsson skrifar: Hvalamálið
EyjanFastir pennar
Fyrir 1 viku

Svarthöfði skrifar: Þess vegna er Viðreisn í bjórfylgi

Svarthöfði skrifar: Þess vegna er Viðreisn í bjórfylgi