Framboð Kamala Harris hvetur stuðningsmenn hennar til að halda ró sinni þrátt fyrir að Donald Trump hafi borið sigur úr býtum í Georgíu, sem er eitt sveifluríkjanna sjö þar sem úrslit kosninganna munu ráðast.

Ekki nóg með að hann hafi sigrað þar, hann er með forystu í talningunni í fimm öðrum. Talning er ekki hafin í Nevada.

Bandarískir fjölmiðlar segja að Jen O‘Malley, einn af kosningastjórum Harris, hafi sent tölvupóst til starfsfólks framboðsins þar sem hún leggur áherslu á að alltaf hafi legið fyrir að leiðin til sigurs liggi í gegnum „the blue wall states“. „Og okkur líður ágætlega með það sem við sjáum,“ skrifaði hún að sögn NBC.