Katrín Jakobsdóttir, forsætisráðherra, hefur ákveðið að bjóða sig fram til embættis forseta Íslands. Þrátt fyrir að Katrín sé að bætast fremur seint í forsetastólaleikinn þá hefur framboð hennar, sökum þess embættis sem hún gegnir fyrir, vakið heimsathygli.

Reuters skrifa: „Forsætisráðherra Íslands, Katrín Jakobsdóttir, tilkynnti um afsögn sína á föstudag og sagðist ætla að bjóða sig fram til embættis forseta, viðhafnarstöðu sem að mestu stendur utan við venjulega pólitík. Það er ekki ljóst hver tekur við embætti hennar, en hún hefur gegnt því síðan síðla árs 2017″

Bloomberg skrifar: „Forsætisráðherra Íslands, Katrín Jakobsdóttir, mun hætta ári áður fyrir næstu alþingiskosningar til að bjóða sig fram til forseta, en þetta útspil gæti kostað umhverfisflokk hennar stöðu sína í meirihluta.“

CNBC fjallar einnig um málið, The Star, Investing UK, Indian Express, US News, Xinhua, , Free Malaysia, Shanhai Daily og svona mætti áfram telja.

Kínverski miðillinn Xinhua vitnar í sagnfræðinginn Guðmund Hálfdánarson sem sagði í samtali við RÚV að ákvörðun Katrínar eigi sér engin fordæmi. Ekki séu einu sinni dæmi þess að nokkur ráðherra sitjandi ríkisstjórnar hafi gert atlögu að forsetastólnum, hvað þá að forsætisráðherra geri svo.

Katrín hefur gefið út að hún ætli sér ekki að vera pólitískur forseta og í raun sé hún að segja skilið við stjórnmálin eftir tveggja áratuga starf. Hún fer á sunnudag til fundar við sitjandi forseta, Guðna Th. Jóhannessonar, til að biðjast lausnar úr embætti og segir af sér þingmennsku á þriðjudag.