Ástþór Magnússon ætlar aftur í framboð til embættis forseta Íslands. Hann greindi frá þessari ákvörðun sinni í samtali við Nútímann.

Vill Ástþór sjá Ísland sem friðartákn í heiminum og verði hann kjörinn mun hann vinna að því að landið fái nýtt hlutverk sem alþjóðlegur talsmaður friðar og mannréttinda. Annað stefnumál hjá honum er að fá höfuðstöðvar öryggisráðs Sameinuðu þjóðanna á Reykjanes.

Ástþór segist ekki hrifinn af forsetatíð Guðna Th. Jóhannessonar, en hann sé handbendi hernaðarhyggju og hafi ekkert gert nú á tímum styrjalda, til að vera jákvætt afl í hinum alþjóðlega heimi. Ástþór vill sjá Ísland sem miðstöð friðarmála.

Ástþór er viðskiptamaður og stofnandi samtakanna Friður 2000. Hann er fæddur árið 1953 og nam við listaháskóla í Bretlandi, auk þess sem hann lauk prófi í auglýsingaljósmyndum og markaðsfræðum. Hann var upphafsmaður að stofnun Eurocard á Íslandi árið 1979 sem var fyrsta kreditkortafyrirtækið hér á landi. Hann hefur einnig verið virkur í frumkvöðlastarfi á sviði tækni, hefur komið að flugrekstri og á að baki yfir 2000 flugtíma.

Hann bauð sig fyrst fram til forseta árið 1996. Reyndi hann aftur árið 2000 og 2012 en í báðum tilvikum var framboð hans dæmt ógilt. Hann bauð sig líka fram árin 2004 og 2016, en þar með er hann nú í framboði í fimmta sinn.