fbpx
Föstudagur 02.júní 2023
Eyjan

Heimir spyr hvers vegna við erum ekki að ræða mál málanna – „Hér er fólk í hálfgerðri ánauð“

Eyjan
Sunnudaginn 26. mars 2023 11:30

Heimir Karlsson. Mynd: Stefán Karlsson.

Ekki missa af Helstu tíðindum dagsins í pósthólfið þitt

Lesa nánar

Heimir Karlsson, annar stjórnandi morgunþáttar Bylgjunnar, Bítið, spyr hvers vegna svo margir þjóðþekktir og áhrifamiklir einstaklingar séu að ræða málefni Eddu Falak og Frosta Logasonar en ekki mál sem hann telur vera margfalt brýnna fyrir þjóðina: 100% hækkun óverðtryggðra húsnæðislána á aðeins tveimur árum. Með þessum hækkunum sé fólki haldið í hálfgerðri ánauð.

Þetta kemur fram í Facebook-færslu í gær en þar segir Heimir:

„Með þessum orðum er ég ekki að gera lítið úr hinu svokallaða Eddu/Frosta-máli og þeim skoðunum sem þar eru settar fram, en ég undrast hveru margir og hversu margir þjóðþekktir og áhrifamiklir einstaklingar tjá sig mikið um þetta mál, en láta sig lítið eða engu varða þá staðreynd að hér er fólk í hálfgerðri ánauð sem birtist t.d. í 100% hækkun óverðtryggðra húsnæðislána á aðeins 2 árum! Samskonar vandamál sem hefur endurtekið sig í áratugi og látið viðgangast!“

Heimir kallar eftir því að málsmetandi fólk setji kraft í að skapa þrýsting varðandi mál sem raunverulega skipta almenning máli. Hann spyr hvers vegna svo gífurlegri hækkun á húsnæðislánum sé tekið þegjandi og hljóðalaust:

„Persónulega þætti mér betra ef fólk setti sama kraft og baráttuþrek einnig í að þrýsta á og heimta að koma lagi á málin sem skipta almenning raunverulegu máli, sem gerði okkar samfélag réttlátara og sanngjarnara að búa í.

Að afborgun af húsnæðislánum aukist frá 50% til 100% á aðeins tveimur árum! Hvar væri því tekið þegjandi nema hér? Hvar myndi það gerast í þeim löndum sem við berum okkur saman við? Ég er ekki einu sinni viss að í undirheimum myndi slíkt vera liðið!

Það er eitthvað stórkostlegt að en enginn virðist vita nákvæmlega hvert vandamálið er svo við látum það bara ,,slæda“.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 2 dögum

Framsóknarmaður leggst gegn tollfrelsi fyrir Úkraínu – „Við erum að taka gríðarlega áhættu“

Framsóknarmaður leggst gegn tollfrelsi fyrir Úkraínu – „Við erum að taka gríðarlega áhættu“
Eyjan
Fyrir 2 dögum

Eva Ýr nýr mannauðsstjóri Alvotech

Eva Ýr nýr mannauðsstjóri Alvotech
Eyjan
Fyrir 6 dögum

Tollfrelsi Úkraínu: Ólafur spyr hvort Bjarni ætli að lúffa undan hagsmunaðilum í landbúnaði

Tollfrelsi Úkraínu: Ólafur spyr hvort Bjarni ætli að lúffa undan hagsmunaðilum í landbúnaði
Eyjan
Fyrir 6 dögum

Stóru bankarnir þrír fá ákúrur fyrir frá Fjármálaeftirliti Seðlabanka Íslands – verklagi ábótavant hjá þeim öllum

Stóru bankarnir þrír fá ákúrur fyrir frá Fjármálaeftirliti Seðlabanka Íslands – verklagi ábótavant hjá þeim öllum