Björn Leví, þingmaður Pírata, biður Staksteina Morgumblaðsins um að hætta dylgjum um sig og segja hreint út hverra hagsmuna dálkahöfundar telji hann vera að ganga. Tilefni þessara orðaskipta er ágreiningur um rafvopnavæðingu lögreglunnar. Jón Gunnarsson dómsmálaráðherra setti nýlega reglugerð sem heimilar lögreglu að bera rafbyssur. Ákvörðunin var ekki borin undir þing eða ríkissstjórn. Tekist var á um þetta í Alþingin í vikunni, en við gefum Staksteinum orðið:
„Af einhverjum ástæðum er sumum mikið í mun að veikja lögregluna og gera störf lögreglumanna hættulegri með því að koma í veg fyrir að þeir geti varið sig og aðra. Hefur þetta komið berlega í ljós í umræðum um rafbyssur. Píratinn Björn Leví spurði dómsmálaráðherra út í ákvörðun hans um að koma slíkum varnartækjum í hendur lögreglumanna, meðal annars með vísan til ummæla forsætisráðherra og umboðsmanns Alþingis í þessu sambandi.
Dómsmálaráðherra sagði að niðurstaða umboðsmanns hefði verið skýr um að engin lög hefðu verið brotin. Ráðherra hefði verið í fullum rétti. Þá benti dómsmálaráðherra á að árið 1999 hefðu verið settar reglur um vopnaburð þar sem ákveðið hefði verið að heimila rafbyssur við sérstakar aðstæður. Heimildin hefði því verið til staðar.“
Í lok pistilsins kemur sneið til Björns sem hann krefst nú skýringar á. Þar segir: „Almenningur hlýtur að velta því fyrir sér hver er bættari með því að veikja lögregluna og hverra erinda gagnrýnendur eru að ganga.“
Björn Leví birtist skjáskot af pistlinum á Facebook og segir:
„Hverra erinda er ég að ganga „hæstvirtir“ nafnlausu staksteinar?
Hóstið því upp úr ykkur í staðinn fyrir að vera með einhverjar dylgjur“
Líflegar umræður um vopnaburð lögreglu eru undir færslunni sem opna má með því að smella hér að neðan:
