Það er afar eftirsótt að komast í stjórnir íslensku bankanna enda er um að ræða vel launuð störf miðað við þá vinnu sem inna þarf af hendi.

DV tók saman hvað stjórnir íslensku bankanna borga stjórnarmönnunum sínum og þar sést að Arion banki borgar stjórnarmönnum sínum langbestu launin. Nokkur munur er á launum almennra stjórnarmanna sem skýrist af því að það er er misjafnt í hversu mörgum undirnefndum þeir sitja en greitt er sérstaklega fyrir setu í þeim.

Brynjólfur með langhæstu launin

Brynjólfur Bjarnason, stjórnarformaður Arion banka, var með 23,4 milljónir króna í árslaun sem gera um 1,95 milljónir króna á mánuði. Hann er með 3,5 milljónum hærri laun á ári en Sigurður Hannesson, stjórnarformaður Kviku banka (19,9 milljónir í árslaun), 6,7 milljónum hærri laun en Helga Björk Eiríksdóttir, formaður bankaráðs Landsbankans og 12,6 milljónum hærri laun á ári en Finnur Árnason, stjórnarformaður Íslandsbanka. Þá er varaformaður stjórnar Arion banka, Paul Richard Horner, einnig með mun hærri laun en stjórnarformenn annarra banka.

Bankarnir sem íslenska ríkið á ekki hlut í, Arion og Kvika, borga því umtalsvert hærri stjórnarlaun en ríkisbankarnir Landsbankinn og Íslandsbanki.

Hér má sjá stjórnarlaun einstakra stjórna árið 2022 (aðeins þeir sem setið hafa í stjórnunum heilt ár)

Arion banki

Brynjólfur Bjarnason, stjórnarformaður – 23,4 milljónir króna í árslaun

Paul Richard Horner, varaformaður – 22,5 milljónir króna

Gunnar Sturluson, stjórnarmaður – 16 milljónir króna

Liv Fiksdahl, stjórnarmaður – 19 milljónir króna

Steinunn K. Þórðardóttir – 19,2 milljónir króna

Kvika banki

Sigurður Hannesson, stjórnarformaður – 19,9 milljónir króna

Guðmundur Þórðarson, varaformaður – 14,2 milljónir króna

Guðjón Karl Reynisson, stjórnarmaður – 11 milljónir króna

Helga Kristín Auðunsdóttir, stjórnarmaður – 13,9 milljónir króna

Ingunn Svala Leifsdóttir, stjórnarmaður – 10,5 milljónir króna

Landsbankinn

Helga Björk Eiríksdóttir, formaður bankaráðs – 16,7 milljónir króna

Berglind Svavarsdóttir, varaformaður bankaráðs – 11,1 milljón króna

Elín H. Jónsdóttir, bankaráðsmaður – 9,5 milljónir króna

Guðbrandur Sigurðsson, bankaráðsmaður – 10,2 milljónir króna

Guðrún Ó. Blöndal, bankaráðsmaður – 9,5 milljónir króna

Helgi Friðjón Arnarson, bankaráðsmaður – 10,2 milljónir króna

Þorvaldur Jacobsen, bankaráðsmaður – 9,5 milljónir króna

Íslandsbanki

Finnur Árnason, stjórnarformaður – 10,8 milljónir króna

Guðrún Þorgeirsdóttir, varaformaður – 10,1 milljón króna

Anna Þórðarsdóttir, stjórnarmaður – 10,2 milljónir króna

Ari Daníelsson, stjórnarmaður – 7,3 milljónir króna

Frosti Ólafsson, stjórnarmaður – 10,1 milljón króna

Tanya Sharova, stjórnarmaður – 7,3 milljónir króna