„Efnahagslífið er sjóðandi heitt. Seðlabankanum ber að bregðast við og mun gera það,“ sagði Ásgeir Jónsson seðlabankastjóri meðal annars þegar hann kynnti ákvörðun peningastefnunefndar um stýrivaxtahækkun. Fréttablaðið greinir frá.

Stýrivextir bankans voru hækkaðir um eitt prósent í morgun og eru komnir upp í 7,5%.

Ásgeir bendir á að verðbólgan sé nú á breiðum grunni og ekki drifin áfram af hækkun fasteignaverðs eins og var stóran hluta síðasta árs. Sjá mbl.is. Segir hann þar spila inn í innflutta verðbólgu vegna milli kostnaðarhækkana erlendis, einnig gríðarlega mikla eftirspurn hér á landi.

„Öll hjálp sem við fáum frá fjár­lög­um rík­is­ins er vel þegin, en við erum ekki að bíða eft­ir því,“ sagði seðlabankastjóri ennfremur.