Katrín Jakobs­dóttir, for­sætis­ráð­herra, og Þór­dís Kol­brún Reyk­fjörð Gylfa­dóttir, utan­ríkis­ráð­herra, heim­sækja Kænu­garð í Úkraínu í dag í heim­sókn sinni til landsins. Þær byrja daginn í Borodianka og Bút­sjá þar sem þær munu sjá eyðileggingu borgarinnar. Fréttablaðið greinir frá þessu.

Þær Katrín og Þórdís hitta síðan forsetann Volodymír Selenskíj eftir hádegi í dag. Af öryggisástæðum eru litlar upplýsingar gefnar um ferðina og dagskráin liggur ekki fyrir. Í tilkynningu frá Stjórnarráðinu segir að mark­mið heim­sóknar ráð­herranna sé að sýna úkraínsku þjóðinni og stjórn­völdum sam­stöðu og ræða á­fram­haldandi stuðning Ís­lands við Úkraínu:

„Katrín Jakobsdóttir, forsætisráðherra, og Þórdís Kolbrún Reykfjörð Gylfadóttir, utanríkisráðherra, heimsækja Kænugarð í Úkraínu á morgun, þriðjudaginn 14. mars.

Markmið heimsóknar ráðherranna er að sýna úkraínsku þjóðinni og stjórnvöldum samstöðu og ræða áframhaldandi stuðning Íslands við Úkraínu.

Þá er tilefni heimsóknarinnar einnig formennska Íslands í Evrópuráðinu og leiðtogafundur ráðsins sem fer fram í Reykjavík í maí, en Úkraína mun hafa þýðingarmikið hlutverk á leiðtogafundinum.“