Vodafone hefur fellt niður kostnað vegna fjarskipta hjá íbúum búsettum í Grindavík út nóvember.

Íbúar Grindavíkur sem eru nú staðsettir í húsnæði þar sem ekki er net er velkomið að koma í verslanir Vodafone og fá 5G nettengingar þeim að kostnaðarlausu.

Vodafone hvetur Grindvíkinga að hafa samband við þjónustuver ef þau hafa fyrirspurnir um reikninga.

„Hugur okkar er allur hjá fjölskyldum sem hafa þurft að yfirgefa heimili sín um helgina og við viljum ekki að reikningar séu eitthvað sem fólk þurfi að hafa áhyggjur af á þessum tímum. Viðbragðsteymi Vodafone vinnur áfram hörðum höndum með Neyðarlínu, Almannavörnum og öðrum fjarskiptafélögum að tryggja örugg fjarskipti við Grindavík,“ segir Sesselía Birgisdóttir framkvæmdastjóri Vodafone