fbpx
Laugardagur 28.janúar 2023
Eyjan

„Hafa viðlíka svik sést í sögu verkalýðsbaráttu á þessu landi?“

Eyjan
Miðvikudaginn 18. janúar 2023 16:33

Sólveig Anna Jónsdóttir, mynd/Ernir

Ekki missa af Helstu tíðindum dagsins í pósthólfið þitt

Lesa nánar

Sólveig Anna Jónsdóttir, formaður Eflingar, er gáttuð á nýjustu fregnum af Starfsgreinasambandinu (SGS) – um að sambandið sé nú byrjað í samningaviðræðum við Samtök atvinnulífsins (SA) um nýjan langtímasamning til að taka við af þeim samningi sem nýlega var samþykktur.

Sólveig veltir því fyrir sér á Facebook hvort að ekki sé um met í „lágkúru“ að ræða.

„Þetta hlýtur að vera eitthvað met í lágkúru: Í staðinn fyrir að styðja Eflingu, félag í harðri kjaradeilu, félag sem tilheyrir Starfsgreinasambandinu og er þar langstærst, ræðst forysta SGS í örvæntingu sinni yfir því að Efling nái betri samningi að okkur við hvert tækifæri með sífellt yfirgengilegri málflutningi. Og nú er forystan komin í sýndar-viðræður við SA í stað þess að setja þar pressu á um að samið verði samstundis við Eflingu! Hvers konar fólk gerir svona?“

Sólveig veltir því fyrir sér hvort viðlíka svik hafi áður sést í sögu verkalýðsbaráttu hér á landi.

„Hafa viðlíka svik sést í sögu verkalýðsbaráttu á þessu landi? Ég spyr í fullri alvöru. Og er ekki tímabært að forysta SGS láti kjósa um það að Efling sé einfaldlega rekin úr sambandinu í stað þess að halda áfram að féfletta félagið og verkafólk höfuðborgarsvæðisins, meðlimi Eflingar? Er það ekki hreinlegra en þetta sjúka framferði sem við verðum nú vitni að? Getur þetta fólk í alvöru réttlætt fyrir sér að taka við fjármunum verkafólks höfuðborgarsvæðisins til að borga undir þá ömurð sem við þurfum að horfa upp á?“

Sólveig segir að hún myndi segja „þessu fólki“ að skammast sín, en efast þó um að það hefði nokkuð gagn.

„Ég myndi segja þessu fólki að skammast sín en ég held að þau kunni það ekki. En skömm þeirra er sannarlega mikil og mun aldrei gleymast“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 5 dögum

Kosning um verkfall hefst á morgun – Nær til starfsstöðva Íslandshótela á félagsvæði Eflingar

Kosning um verkfall hefst á morgun – Nær til starfsstöðva Íslandshótela á félagsvæði Eflingar
Eyjan
Fyrir 5 dögum

Þessu tapa Eflingarfélagar á því að missa möguleikann á afturvirkum kjarasamningi

Þessu tapa Eflingarfélagar á því að missa möguleikann á afturvirkum kjarasamningi
Eyjan
Fyrir 1 viku

Björn Leví: „Það ætti að hringja öll­um viðvör­un­ar­bjöll­um“

Björn Leví: „Það ætti að hringja öll­um viðvör­un­ar­bjöll­um“
Eyjan
Fyrir 1 viku

Simmi Vill segir að svona sé hægt að sporna gegn frekari verðbólgu á Íslandi

Simmi Vill segir að svona sé hægt að sporna gegn frekari verðbólgu á Íslandi
Eyjan
Fyrir 1 viku

Jacinda Ardern segir af sér embætti forsætisráðherra

Jacinda Ardern segir af sér embætti forsætisráðherra
Eyjan
Fyrir 1 viku

Nýjar ásakanir á hendur umdeildum þingmanni – Sagður hafa stolið peningum frá hundi

Nýjar ásakanir á hendur umdeildum þingmanni – Sagður hafa stolið peningum frá hundi