Halldór Benjamín Þorbergsson, verðandi forstjóri fasteignafélagsins Regins, keypti í dag hlutabréf í félaginu fyrir 203,2 milljónir króna. Kaupin eru gerð í gegnum félag Halldórs, Optio ehf. Kemur þetta fram í tilkynningu til Kauphallarinnar.

Halldór Benjamín keypti 8 milljónir hluta, um 0,44% eignarhlut í Regin, með framvirkum samningi á genginu 25,4 krónur á hlut. Bréf Reg­ins hækkuðu um 3,2% á föstu­dag­inn, en til­kynnt var um for­stjóra­skipt­in eft­ir lok­un markaða á fimmtu­dag­inn.

Hall­dór Benja­mín var áður fram­kvæmda­stjóri Sam­taka at­vinnu­lífs­ins (SA), en í tilkynningu frá SA 30. mars kom fram að hann hefði ákveðið að láta af störfum. Stuttu síðar var til­kynnt um ráðningu hans sem for­stjóri Reg­ins og mun hann hefja störf sem for­stjóri fyrri hluta sum­ars. Helgi S. Gunn­ars­son læt­ur af störf­um á sama tíma, en mun verða Halldóri inn­an hand­ar fyrst um sinn. Helgi hefur gegnt starfi for­stjóra Reg­ins frá stofn­un fé­lags­ins árið 2009.