Helstu tíðindi í nýjum Þjóðarpúlsi Gallup um fylgi stjórnmálaflokkanna eru þau að fylgi Framsóknarflokksins lækkar úr 17,3% í síðustu þingkosningum og niður í 15%. Í sögulegu samhengi er fylgi flokksins í könnuninni samt sterkt.
Sjálfstæðisflokkur er stærstur með 22,1% og lækkar úr ríflega 24% í kosningunum.
Píratar rjúka upp í fylgi, eru með 15% en fylgið var 8,6% í kosningunum. Raunar er það viðvarandi ástand að Píratar séu háir í könnunum og lágir í kosningum.
Samfylkingin er með 13,7% sem er mun hærra en í kosningunum í haust, 9,9%.
Vinstri græn tapa töluverðu fylgi, eru með 8,6% á móti 12,6% í kosningunum.
Viðreisn er með svipað fylgi og í síðustu kosningum, 8,6%.
Flokkur fólksins er með 6,6% en var með 8,9% í kosningunum.
Sósíalistaflokkur Íslands nær að skríða yfir kjörfylgi, 5,3%, en var með 4,1% í kosningunum.
Miðflokkurinn fellur undir kjörfylgi, er í 4,4% en var með 5,5% í kosningunum.
Rétt tæplega helmingur, eða rúmlega 49%, segjast styðja ríkisstjórnina.
Sjá nánar hér.
