fbpx
Föstudagur 19.ágúst 2022
Eyjan

Sterkefnuðum ferðamönnum fjölgar mikið

Kristján Kristjánsson
Föstudaginn 22. júlí 2022 09:00

Einkaflugvélar á Reykjavíkurflugvelli.

Ekki missa af Helstu tíðindum dagsins í pósthólfið þitt

Lesa nánar

Samkvæmt áliti fjölda stjórnenda í ferðaþjónustunni, og fararstjóra og viðburðarstjóra, þá sækja fleiri sterkefnaðir ferðamenn landið heim nú í sumar en áður hefur þekkst. En dýrtíðin hér á landi er áhyggjuefni fyrir ferðaþjónustuna því verðlagið er varla fyrir millistéttarfólk.

Fréttablaðið skýrir frá þessu í dag. Hefur blaðið eftir einum viðmælenda sinna að skýrt dæmi um aukna sókn sterkefnaðra ferðamanna hingað til lands sé að kortavelta erlendra ferðamanna sé meiri nú en þegar mest var um ferðamenn fyrir heimsfaraldurinn.

Annar viðmælandi sagði að ekki væri eingöngu um uppsafnaða ferðaþörf að ræða heldur einnig uppsafnaða eyðsluþörf.

Bandaríkjamenn eru áberandi í hópi sterkefnaðra ferðamanna að sögn ferðaskipuleggjenda. „Fjöldi þeirra hefur verið að ferðast um Evrópu í mánuð eða svo í sumar, en bætir svo einni viku við á Íslandi á heimleiðinni,“ er haft eftir einum viðmælanda blaðsins.  

Birgir Ómar Haraldsson, framkvæmdastjóri þyrluþjónustunnar Norðurflugs, sagði að mikið sé að gera og hafi hann verið að bæta fjórðu þyrlunni við flotann. „Samsetningin í átt að efnameiri ferðamönnum er augljós,” sagði hann og bætti við að það sé orðin áskorun fyrir ferðaþjónustuna að halda í millistéttarfólk sem þrái að ferðast. Verðlagningin hér á landi sé þess eðlis að hún sé aðeins að verða á færi efnafólks. „Hér borgar fólk 400 dali fyrir næturgistingu á venjulegu meðalhóteli. Það jafngildir lúxusgistingu í Bandaríkjunum,“ sagði hann.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt