fbpx
Þriðjudagur 21.júní 2022
Eyjan

Elín segir ríkisstjórnina hafa verið í lífshættu

Kristján Kristjánsson
Þriðjudaginn 31. maí 2022 07:50

Ríkisstjórn Katrínar Jakobsdóttur. mynd/Eyþór

Ekki missa af Helstu tíðindum dagsins í pósthólfið þitt

Lesa nánar

Nýlega þreytti ríkisstjórn Katrínar Jakobsdóttur, forsætisráðherra, nýja eldraun og hékk „líf“ ríkisstjórnarinnar á bláþræði. Fyrst var það Íslandsbankamálið og síðan fyrirhugaður brottflutningur 250 flóttamanna úr landi sem gerði ríkisstjórninni erfitt fyrir.

Þetta er umfjöllunarefni leiðara Fréttablaðsins í dag en hann skrifar Elín Hirst. Er fyrirsögn hans „Stjórn í lífsháska“. Fyrst rifjar Elín upp Íslandsbankamálið og segir klúður fyrsta orðið sem kemur upp í hugann þegar það mál er skoðað. „Sérmeðferð fárra útvalinna í fjármálakerfinu og útdeiling hraðgróðatækifæra vakti upp alvarlegar spurningar meðal almennings um hvort viðskiptahættir á árunum í kringum bankahrunið væru snúnir aftur,“ segir hún og bendir á að málinu sé alls ekki lokið. Ríkisendurskoðun og fjármálaeftirlitið séu nú að reyna að kafa ofan í það. „Hvort eitthvað kemur út úr þeim rannsóknum sem máli skiptir er allsendis óvíst. Tíminn verður að leiða það í ljós,“ segir hún.

Næst víkur hún að brottvísun 250 flóttamanna frá landinu. „Þessi stóri hópur hælisleitenda hafði dvalið á Íslandi mun lengur en venja er vegna Covid-19. Fjölskyldur voru að sjálfsögðu farnar að festa hér rætur, börn höfðu fæðst og önnur byrjað í leik- eða grunnskóla,“ segir Elín og segir síðan að greinilega hafi soðið upp úr á ríkisstjórnarfundi að morgni 24. maí. Venjulega hvílir leynd yfir því sem fram fer á ríkisstjórnarfundum en ósættið kom berlega í ljós þennan dag:

„Katrín Jakobsdóttir forsætisráðherra kom á Fréttavaktina á Hringbraut og sagði að verið væri að skoða samsetningu hópsins. Síðan leið tæpur klukkutími. Jón Gunnarsson dómsmálaráðherra mætti í Kastljós og lýsti því yfir að samstaða væri um verklag í málinu. En þá skapaðist aftur „lífshættulegt“ ástand innan stjórnarinnar aðeins nokkrum vikum eftir Íslandsbankauppákomuna. Guðmundur Ingi Guðbrandsson félagsmálaráðherra fékk greinilega nóg við að hlusta á ummæli dómsmálaráðherra. Guðmundur ákvað að rjúfa hinn hefðbundna trúnað sem ríkir á ríkisstjórnarfundum, mætti í beina útsendingu í tíu fréttum Sjónvarpsins og sagði hug sinn í málinu.“

Hún lýkur síðan leiðaranum með þessu orðum: „Í kjölfarið lýsti dómsmálaráðherra því yfir að fjölskyldufólk yrði ekki sent í flóttamannabúðir í Grikklandi. En nægir sú yfirlýsing? Hvað með þá sem eiga til dæmis fötluð börn sem eru orðin 18 ára, eins og írönsk fjölskylda sem verið hefur í fréttum? Flóttamannamálinu er hvergi nærri lokið, fremur en Íslandsbankamálinu og það verður fróðlegt að fylgjast með hvernig ríkisstjórnin leysir úr þeim.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 6 dögum

Össur vill Loga burt og Kristrúnu á toppinn – „Eina manneskjan sem þeir vilja ekki sem formann“

Össur vill Loga burt og Kristrúnu á toppinn – „Eina manneskjan sem þeir vilja ekki sem formann“
Eyjan
Fyrir 6 dögum

Segir fólk tapa peningum á því að nýta sér fasteignasala og hvetur fólk til að selja sjálft – „Það er komið nóg af þessari vitleysu“

Segir fólk tapa peningum á því að nýta sér fasteignasala og hvetur fólk til að selja sjálft – „Það er komið nóg af þessari vitleysu“
Eyjan
Fyrir 1 viku

Tekist á í Kastljósi – „Einari er kannski vorkunn að koma svona nýr inn og láta teyma sig svolítið af gömlum meirihluta“

Tekist á í Kastljósi – „Einari er kannski vorkunn að koma svona nýr inn og láta teyma sig svolítið af gömlum meirihluta“
Eyjan
Fyrir 1 viku

Ný borgarstjórn tekur til starfa – Þetta eru formenn ráða

Ný borgarstjórn tekur til starfa – Þetta eru formenn ráða