Guðlaugur Þór Þórðarson, Sjálfstæðismaður og umhverfisráðherra, hefur greinst með Covid-19.
Hann segist þó vera við hestaheilsu og ekki finna fyrir einkennum. Guðlaugur Þór greinir frá þessu í Facebook-færslu:
„Það kom að því, greindist með Covid. Er við hestaheilsu og finn ekki fyrir neinum einkennum. Greindist á landamærunum eftir dásamlegt frí með konunni minni í tilefni af 20 ára brúðkaupsafmæli okkar. Það sem er jákvætt í núverandi stöðu er að flest er hægt að vinna í fjarvinnu en ég mun sakna þess að hitta fólk. Áfram gakk!“
