Nýr oddviti Miðflokksins og óháðra í Kópavogi er Karen Elísabet Halldórsdóttir, bæjarfulltrúi í Kópavogi. Karen sóttist eftir oddvitasætinu hjá Sjálfstæðisflokknum í Kópavogi í prófkjöri sem haldið var fyrr á árinu en hafði ekki erindi sem erfiði. Þá var hún kærð af trúnaðarmanni innan Sjálfstæðisflokksins til Persónuverndar vegna dreifingar á gögnum um nefndan trúnaðarmann í prófkjörsslagnum þar.

Karen hefur verið bæjarfulltrúi fyrir Sjálfstæðisflokkinn síðastliðin átta ár, og varabæjarfulltrúi í fjögur ár.

Karen hefur mikla reynslu þegar kemur að sveitarstjórnarmálum og hefur m.a. verið formaður velferðarráðs, formaður lista- og menningarráðs, formaður öldungaráðs setið í stjórn Strætó og í stjórn jöfnunarsjóðs Sambands íslenskra sveitarfélaga. Karen er með BA í sálfræði og MA í mannauðsstjórnun og starfar sem skrifstofustjóri

Karen á tvær dætur Júlíu 21. árs laganema og Elísu 16 ára framhaldsskólanema.