fbpx
Miðvikudagur 22.júní 2022
Eyjan

Ellen Calmon gefur kost á sér í flokksvali Samfylkingarinnar

Eyjan
Mánudaginn 17. janúar 2022 10:46

Ellen J. Calmon

Ekki missa af Helstu tíðindum dagsins í pósthólfið þitt

Lesa nánar

Borgarfulltrúinn Ellen J. Calmon gefur kost á sér í 4. sæti í komandi flokksvali Samfylkingarinnar í Reykjavík. Í tilkynningu til fjölmiðla segir Ellen að hún hafi verið ötul talskona mannréttinda, jafnréttis og velferðar í borgarstjórn og þar hef húj talað fyrir réttindum barna og fatlaðs fólks. Reykjavík á að vera fjölskyldu- og aldursvæn borg að mati Ellenar en hún vill einnig að borgin verði barnvænt sveitarfélag í takti við hugmyndafræði UNICEF. „Ég vil að Reykjavík verði fjölskylduvæn borg fyrir fjölbreytt fólk,“ segir Ellen.

Að hennar mati á Reykjavíkurborg að vera umfaðmandi og manneskjuleg, þar sem allir borgarbúar fá tækifæri til að vaxa og dafna á eigin forsendum óháð öllum breytum.

Ellen tók sæti sem borgarfulltrúi þann 1. júní 2020 og hefur í starfi sínu, að eigin sögn, lagt áherslu á að jafnrétti, inngilding og hugmyndafræði algildrar hönnunar séu höfð að leiðarljósi í allri uppbyggingu á þjónustu og skipulagi borgarinnar.

 

„Ég tók sæti sem borgarfulltrúi þann 1. júní 2020 í miðjum heimsfaraldri. Þetta kjörtímabil hefur verið fordæmalaust, krefjandi og lærdómsríkt. Mín helstu verkefni hafa snúið að mannréttinda-, nýsköpunar- og lýðræðisráði, menningar-, íþrótta- og tómstundaráði og velferðarráði einnig er ég formaður stjórnar Fjölsmiðjunnar á höfuðborgarsvæðinu. Þá hef tekið þátt í stýrihópi um endurskoðun á jafnlaunastefnu borgarinnar og menningarstefnu sem samþykkt var nýlega,“ segir Ellen í fréttatilkynningunni.

 

Áherslumál

Fjölskylduvæn borg Er borg þar sem allar gerðir fjölskyldna fá að blómstra og njóta stuðnings og þjónustu ef þær þurfa til að geta tekið fullan þátt í samfélaginu. Ég vil huga betur að fjölbreyttum fjölskyldugerðum þar sem tekið er tillit til margbreytileikans.

Barnvænt sveitarfélag Þar fá börn og ungmenni tækifæri til að hafa áhrif á mál er þau varða. Ég vil að Barnasáttmáli Sameinuðu þjóðanna verði að fullu innleiddur á öll svið borgarinnar.

Aldursvæn borg Ég vil tryggja að Reykjavík sé aldursvæn borg þar sem hvatt er til virkni eldri borgara með öflugum tækifærum til heilsueflingar og samfélagsþátttöku. Þá er ekki síður mikilvægt að tryggja æ betri þjónustu svo fólk geti búið sem lengst heima hjá sér. Þannig getum við aukið lífsgæði fólks sem er að eldast.

Önnur áherslumál: barnamenning, barnavernd, algild hönnun og inngilding, menntastefna Reykjavíkurborgar, jafnlaunastefna og jafnvirði starfa.

Nánar um áherslur: https://ellencalmon.is/aherslur/

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 6 dögum

Össur vill Loga burt og Kristrúnu á toppinn – „Eina manneskjan sem þeir vilja ekki sem formann“

Össur vill Loga burt og Kristrúnu á toppinn – „Eina manneskjan sem þeir vilja ekki sem formann“
Eyjan
Fyrir 6 dögum

Segir fólk tapa peningum á því að nýta sér fasteignasala og hvetur fólk til að selja sjálft – „Það er komið nóg af þessari vitleysu“

Segir fólk tapa peningum á því að nýta sér fasteignasala og hvetur fólk til að selja sjálft – „Það er komið nóg af þessari vitleysu“
Eyjan
Fyrir 2 vikum

Tekist á í Kastljósi – „Einari er kannski vorkunn að koma svona nýr inn og láta teyma sig svolítið af gömlum meirihluta“

Tekist á í Kastljósi – „Einari er kannski vorkunn að koma svona nýr inn og láta teyma sig svolítið af gömlum meirihluta“
Eyjan
Fyrir 2 vikum

Ný borgarstjórn tekur til starfa – Þetta eru formenn ráða

Ný borgarstjórn tekur til starfa – Þetta eru formenn ráða