Samkvæmt nýrri könnun MMR fyrir Morgunblaðið um fylgi stjórnmálaflokkanna er ríkisstjórnin fallin með 31 þingmann samtals af 63. Litlar fylgisbreytingar þurfa þó að eiga sér stað til að ríkisstjórnin haldi velli með 32 eða 33 þingmenn. Könnunin var gerð dagana 22.-23. september. Framsóknarflokkur og Sjálfstæðisflokkur eru á uppleið samkvæmt könnuninni en VG tapar fylgi.

Fylgi í þremur síðustu skoðanakönnunum MMR fyrir Morgunblaðið, frá 15. til 23. september, skiptist með eftirfarandi hætti:

Sjálfstæðisflokkur 22,9% og 14 þingmenn

Framsókn 16,4%  og 11 þingmenn

Miðflokkur 5,8% og 3 þingmenn

Viðreisn 12% og 7 þingmenn

Flokkur fólksins 6,2% og 4 þingmenn

Samfylkingin 11,5% og 8 þingmenn

VG 9,7% og 6 þingmenn

Píratar 9,9% og 6 þingmenn

Sósíalistar 5,1% og 4 þingmenn

Athygli vekur að Sósíalistaflokkurinn er ekki öruggur inn á þing eins og hann hefur virst í öðrum könnunum undanfarið. Hann er þó inni samkvæmt þessum tölum. Morgunblaðið les þannig í þessar kannanir að ríkisstjórni gæti haldið því litlar breytingar þurfi að eiga sér stað á fylginu til að hún komist í meirihluta. Blaðið dregur þróunina undanfarið saman með eftirfarandi orðum:

„Ef litið er á fylg­is­hreyf­ing­ar í þess­ari viku er greini­legt að Fram­sókn, Viðreisn og Sjálf­stæðis­flokk­ur eru að sækja í sig veðrið á loka­sprett­in­um með frek­ar af­ger­andi hætti, en herslumun­inn vant­ar til þess að stjórn­ar­flokk­arn­ir haldi velli. Þar mun­ar mest um að vinstri­flokk­arn­ir hafa tekið að dala á ný og er fylgi þeirra frek­ar að fletj­ast út. Sam­fylk­ing­in hef­ur þannig tapað mest­allri fylgisaukn­ingu liðinna vikna. Hlut­falls­lega hef­ur Sósí­al­ista­flokk­ur­inn þó tapað mestu fylgi frá því í liðinni viku, þegar hann var með hátt í 9% en er nú við 5% fylgi.

Fylgi Flokks fólks­ins hef­ur hins veg­ar styrkst tals­vert og sömu­leiðis virðist Miðflokk­ur­inn vera að treysta sig, þó hann sé eng­inn há­stökkvari.“

Sjá nánar á vef Morgunblaðsins