Vinstri hreyfingin – grænt framboð stendur fyrir fjölda viðburða nú þegar nær dregur alþingiskosningum. Á sunnudag leiddi Stefán Pálsson sögugöngu um miðbæinn sem hófst í VG Portinu í Bankastræti 2, Reykjavík. Góður hópur fylgdi Stefáni í göngunni en að henni lokinni var boðið upp á vöfflur og kaffi í kosningamiðstöðinni þar sem fjöldi fólks var saman kominn.
Efstar á lista VG í Reykjavík norður eru Katrín Jakobsdóttir forsætisráðherra og formaður flokksins, Steinunn Þóra Árnadóttir alþingiskona og Eva Dögg Davíðsdóttir doktorsnemi.
Efsta fólk á lista VG í Reykjavík suður er Svandís Svavarsdóttir heilbrigðisráðherra, Orri Páll Jóhannsson, aðstoðarmaður umhverfis- og auðlindaráðherra og varaþingmaður, og Daníel E. Arnarson framkvæmdastjóri Samtakanna ’78.
Steinþór Rafn Matthíasson tók meðfylgjandi myndir sem fanga stemninguna.
