Það var Prósent sem gerði könnunina fyrir Fréttablaðið. Samkvæmt niðurstöðunum er fylgi Sjálfstæðisflokksins 21,3%. Fylgi Framsóknarflokksins er 12,6%. Fylgi Vinstri grænna er 10%.
Þegar fólk var spurt hvaða stjórnarsamstarf það vilji helst sjá að kosningum loknum sögðust 48,3% vilja sjá núverandi stjórnarsamstarf áfram. 27% vilja vinstristjórn með Flokki fólksins, Pírötum, Samfylkingunni, Sósíalistum og Vinstri grænum. 25% vilja miðjustjórn með Framsóknarflokknum, Samfylkingunni, Viðreisn og Pírötum.
Nær allir kjósendur Sjálfstæðisflokksins, eða 99%, vilja halda núverandi stjórnarsamstarfi áfram. 76% kjósenda Framsóknarflokksins sögðust vilja halda samstarfinu áfram og hjá Vinstri grænum var hlutfallið 64%.
Könnunin var gerð 13. til 16. september. 1.493 tóku þátt og þar af svöruðu 1.329 eða 90%.
