fbpx
Föstudagur 30.júlí 2021
Eyjan

Oddviti Garðabæjarlistans hjólar í Sjálfstæðisflokkinn – „Þeir eru nefnilega vanir því að fá öllu ráðið“

Bjarki Sigurðsson
Miðvikudaginn 7. júlí 2021 09:38

Ekki missa af Helstu tíðindum dagsins í pósthólfið þitt

Lesa nánar

Garðabær byggir um þessar mundir nýtt knattspyrnuhús í Vetrarmýri en um er að ræða dýrasta knattspyrnuhús landsins. Kostnaðurinn við verkið er tæplega 5 milljarðar króna en húsið er um 18.200 fermetrar að stærð og er með rými fyrir knattspyrnuvöll í fullri stærð innanhúss auk upphitunaraðstöðu ásamt tilheyrandi stoðrýmum.

Það hefur vakið athygli að lofthæð hússins er 14 metrar en til að völlurinn sé löglegur fyrir knattleiki á hæsta stigi þá þarf lofthæðin að vera að minnsta kosti 20 metrar. Þetta þýðir að íþróttalið bæjarins, Stjarnan, getur ekki spilað keppnisleiki á vellinum.

Sara Dögg Svanhildardóttir, oddviti Garðabæjarlistans, ræðir þessa uppbyggingu bæjarins í pistli sem hún birti á Vísi í morgun. Hún hafði áður verið spurð um álit fyrir grein Mannlífs og fór það ekki vel í fulltrúa Sjálfstæðisflokksins í bænum.

„Frá því ég tók sæti í bæjarstjórn fyrir þremur árum síðan hef ég gagnrýnt þá ákvörðun að farin væri dýrasta leiðin til að tryggja íþróttaiðkendum gott æfingahúsnæði. Framkvæmd sem í grunninn kostar tæpa 5 milljarða. Án tækja og tóla. Án fullbúinnar aðstöðu eða áætlunar um hvernig skipuleggja eigi þá 3 þúsund fermetra sem eru fyrir utan fótboltavöllinn sjálfan,“ segir Sara og bætir við að bæjarfulltrúar Garðabæjarlistans hafi ekki komið að þessari ákvörðun bæjarstjórnar.

Hún segir að það hafi verið henni ljúft og skylt að gefa sitt álit á málinu. Hún vill að fyrst reisa átti glæsilega íþróttahöll eigi að fara alla leið og búa húsið þannig að möguleikinn sé fyrir hendi.

„Það fellur ekki vel í Sjálfstæðismenn í bænum mínum að ég skuli hafa tjáð mig opinberlega um skoðanir mínar. Yfir því verða þeir sárir og gramir. Þeir eru nefnilega vanir því að fá öllu ráðið, með klapplið í kring um sig. Bæjarstjórinn mætti með hroka og yfirlæti í Bítið á Bylgjunni til að “leiðrétta bullið” í bæjarfulltrúanum mér,“ segir Sara en fulltrúi Sjálfstæðisflokksins í bæjarráði Garðabæjar bókaði um málið í vikunni og sagði ummæli hennar ámælisverð.

Sara segir að svona virki þetta í Garðabæ, hafi einhver aðra skoðun en Sjálfstæðisflokksins, þá er hún ámælisverð.

„Ég mun samt sem áður halda áfram að gagnrýna undarlega forgangsröðun á skattfé Garðbæinga í fjárfreka framkvæmd og jafnvel velta fyrir mér hversu tímalaus fjölnota íþróttahúsið mun reynast. Það er vissulega mín skoðun, þó svo að hún sé að mati félaga minna í Sjálfstæðisflokknum í Garðabæ ámælisverð, takk fyrir pent,“ segir hún að lokum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 5 dögum

Ragnar Þór segir stjórnvöld lítið hugsa um verslunarfólk – „Það er ekki annað í stöðunni að við tökum málin í eigin hendur“

Ragnar Þór segir stjórnvöld lítið hugsa um verslunarfólk – „Það er ekki annað í stöðunni að við tökum málin í eigin hendur“
Eyjan
Fyrir 5 dögum

Sigmundur lýsir vanda fjórflokksins – Segir þá fasta í leit að „aðlaðandi hugmyndum, nýrri ímynd, galsa og glimmeri, töff fólki“

Sigmundur lýsir vanda fjórflokksins – Segir þá fasta í leit að „aðlaðandi hugmyndum, nýrri ímynd, galsa og glimmeri, töff fólki“
Eyjan
Fyrir 1 viku

RÚV býður auglýsendum að kaupa brandara á tæpar 30 þúsund krónur

RÚV býður auglýsendum að kaupa brandara á tæpar 30 þúsund krónur
Eyjan
Fyrir 1 viku

Spáir að ríkisstjórnin muni springa vegna Þórólfs

Spáir að ríkisstjórnin muni springa vegna Þórólfs
Eyjan
Fyrir 1 viku

Myndin af slagsmálunum vekur úlfúð: Maðurinn sagður „skúrkalegur“ fyrir að bregðast ekki við – „Erum við í alvöru að fagna þessu afskiptaleysi?“

Myndin af slagsmálunum vekur úlfúð: Maðurinn sagður „skúrkalegur“ fyrir að bregðast ekki við – „Erum við í alvöru að fagna þessu afskiptaleysi?“
Eyjan
Fyrir 1 viku

Hannes segir hnattræna hlýnun bjarga mannslífum: „Það deyja miklu fleiri úr kulda en hita á hverju ári“

Hannes segir hnattræna hlýnun bjarga mannslífum: „Það deyja miklu fleiri úr kulda en hita á hverju ári“