fbpx
Föstudagur 11.júní 2021
Eyjan

Dóttir Guðbrands hefur fengið hótanir og ljót skilaboð vegna baráttu sinnar gegn kynferðisofbeldi

Ágúst Borgþór Sverrisson
Sunnudaginn 9. maí 2021 11:41

Skjáskot RÚV

Ekki missa af Helstu tíðindum dagsins í pósthólfið þitt

Lesa nánar

Dóttir Guðbrands Einarssonar, oddvita Viðreisnar í Suðurkjördæmi, Sólborg Guðbrandsdóttir, hefur fengið hótanir og mörg ljót skilaboð frá karlmönnum vegna baráttu sinnar gegn kynferðisofbeldi en hún hefur verið mjög virk á þeim vettvangi. Þetta kom fram í Silfrinu á RÚV í dag þar sem rædd var sú metoo-bylgja sem reis í vikunni.

Guðbrandur sagðist vera ánægður með að Sólborg væri í þessari baráttu. Hann segist oft verða skömmustulegur yfir því að karlar væru í þeirri stöðu að þúsundir kvenna lýstu skelfilegum atvikum sem þær hafi lent í. Nýlega hafi einnig komið fram skelfilegar sögur um konur sem hafi tekið eigið líf vegna kynferðisofbeldis. „Við sem sterkara kynið erum að beita líkamlegu afli til að kúga annað kynið,“ sagði Guðbrandur.

Guðbrandur sagði enn fremur: „Ég held að við séum nokkuð mikið í gerendameðvirkninni. Þegar fólk segir nei þá meinar það nei, en við erum ekki alveg komin þangað. Kannski þurfum við að fara að vinna með strákana okkar miklu fyrr.“

Drífa Snædal, forseti ASÍ, segir að við búum í samfélagi þar sem ofboðslega margar konur verða fyrir ofbeldi en af einhverjum ástæðum virðist ofbeldismennirnir vera mjög fáir. „En um leið og þær nefna nöfn þá verður allt brjálað. Á meðan við höfum ekki fundið leiðir til að láta gerendurna axla ábyrgð þá mun þetta gjósa upp aftur og það verður aukinn þrýstingur frá konum um að á þær verði hlustað,“ sagði Drífa.

Hún staldraði líka við þann útbreidda misskilning að góðir drengir beittu ekki ofbeldi. Enginn gæti vottað um annan mann að hann beitti ekki ofbeldi, góðu drengirnir geri það líka.

Kristrún Frostadóttir, frambjóðandi Samfylkingarinnar, sagði að aðgengi að ofbeldisfullu klámi væri miklu auðveldara en áður og það sé eitthvað sem verði að huga að. Hún sagði að það hafi komið mörgum konum á óvart eftir síðustu metoo-bylgju hvað lítið hafi breyst, nú sé þetta að gossa upp aftur af því fólki finnist ekki hafa verið nóg gert.

Jón Gunnarsson, þingmaður Sjálfstæðisflokksins, sagðist oft undrandi á því hvað dómar í ofbeldismálum væru vægir. Egill Helgason, stjórnandi þáttarins, ræddi við hann um þá staðreynd að Landsréttur hafi tilhneigingu til að milda dóma í kynferðisbrotamálum. „Kannski vaknar maður upp við vondan draum við að heyra þær skelfilegu lífsreynslusögur sem konur hafa að segja. Þó að þetta sé útbreitt vonar maður að það séu ekki flestar konur sem lendi í þessu,“ sagði Jón. Hann sagði jafnframt að sönnunarbyrðin í kynferðisbrotamálum væri erfið og málin flókin en umræðan væri af hinu góða og umræðan hefði verið frábær undanfarið. „Það er búið að opna þetta pandórubox en það er vandmeðfarið,“ sagði Jón.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 3 dögum

Króli skorar á Áslaugu Örnu og býður henni húsið sitt – „Þetta er samt aldrei að fara að gerast“

Króli skorar á Áslaugu Örnu og býður henni húsið sitt – „Þetta er samt aldrei að fara að gerast“
Eyjan
Fyrir 3 dögum

Stella segir að konur þurfi að hugsa vel um afleiðingar gjörða sinna

Stella segir að konur þurfi að hugsa vel um afleiðingar gjörða sinna
Eyjan
Fyrir 4 dögum

Segir fríverslunarsamninginn við Breta í lagi

Segir fríverslunarsamninginn við Breta í lagi
Eyjan
Fyrir 4 dögum

Allt í háaloft milli Hannesar Hólmsteins og Sveins Andra: „Þannig haga sér menn lítilla sanda og sæva; þröngsýnir aftaníossar“

Allt í háaloft milli Hannesar Hólmsteins og Sveins Andra: „Þannig haga sér menn lítilla sanda og sæva; þröngsýnir aftaníossar“