fbpx
Föstudagur 11.júní 2021
Eyjan

Diljá vill ekki lögleiða fíkniefnaneyslu – Þetta er ástæðan

Máni Snær Þorláksson
Miðvikudaginn 12. maí 2021 09:15

Diljá Mist Einarsdóttir. Mynd/Aðsend

Ekki missa af Helstu tíðindum dagsins í pósthólfið þitt

Lesa nánar

Diljá Mist Einarsdóttir, hæstaréttarlögmaður og aðstoðarmaður utanríkis- og þróunarsamvinnuráðherra, er ekki á þeirri skoðun að afglæpavæða eigi fíkniefni. Diljá, sem sækist eftir þriðja sæti í prófkjöri Sjálfstæðisflokksins í Reykjavík, skrifaði pistil um skoðun sína á málinu en pistillinn birtist á Vísi í morgun.

„Nú liggur fyrir á þinginu frumvarp heilbrigðisráðherra um svonefnda afglæpavæðingu neysluskammta á fíkniefnum. Í greinargerð með frumvarpinu er vísað til stjórnarsáttmála ríkisstjórnarinnar þar sem segir að „snúa þurfi af braut harðra refsinga fyrir neyslu fíkniefna og að leggja skuli áherslu á forvarnir og lýðheilsu.“ Á þeim forsendum er það lagt til í frumvarpinu að varsla neysluskammta af fíkniefnum verði heimil og skref tekið í þá átt að vandi fíkniefnanotenda sé meðhöndlaður í heilbrigðiskerfinu fremur en dómskerfinu,“ segir Diljá í upphafi pistilsins.

Hún segir að um árabil hafi mál varðandi einkaneyslu fíkniefna hafa verið meðhöndluð þannig að þeim sé lokið með sektargerð ef þau komi til kasta lögreglu. „Því hafa fangelsisrefsingar fyrir slík brot í raun verið aflagðar,“ segir hún.

„Það er mikilvæg nálgun og viðhorfsbreyting að fíknisjúkdómar séu meðhöndlaðir sem slíkir innan heilbrigðiskerfisins. Það þekkjum við aðstandendur fíkniefnaneytenda af eigin raun. Við vitum að forvarnir og meðhöndlun fíknisjúkdóma er besta leiðin til að draga úr vandanum. Sá árangur sem náðst hefur í þeim efnum er ekki sjálfgefinn og honum má ekki stefna í hættu. Sú hugsun sem býr að baki frumvarpi heilbrigðisráðherra er ekki röng en skilaboðin sem í því felast eru varasöm.“

Diljá vill meina að með frumvarpinu sé verið að senda fólki þau skilaboð að fíkniefnaneysla sé í lagi. „Með því að gera vörslu og neyslu ólögmætra vímuefna refsilausa erum við að senda fólki, sérstaklega ungu fólki, þau skilaboð að þetta sé í lagi. Við þurfum að stíga stærri skref í forvörnum, fræðslu og meðferðarúrræðum áður en við getum farið að huga að því að „normalisera“ neyslu efnanna með þeim hætti sem gert er með frumvarpinu,“ segir hún.

Að lokum segir Diljá að neysla eiturlyfja sé alvarlegt vandamál og að það hafi þungbærar afleiðingar fyrir bæði fíkniefnaneytendur og fjölskyldur þeirra. „Á hverju ári missum við ungmenni úr neyslu. Hvert eitt og einasta er einu of mikið. Það ætti því að vera algjört forgangsmál að efla og auka skilvirkar forvarnir, fræðslu og meðferðarúrræði. Við þurfum að stíga skrefin í réttri röð og ekki auka á þann vanda sem við erum að reyna að leysa. Ef ætlunin er að hjálpa fíkniefnaneytendum þá eigum við að gera einmitt það.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 3 dögum

Brynjar íhugar að hætta við að hætta – „Því það geta ekki allir verið á Féló“

Brynjar íhugar að hætta við að hætta – „Því það geta ekki allir verið á Féló“
Eyjan
Fyrir 3 dögum

Króli skorar á Áslaugu Örnu og býður henni húsið sitt – „Þetta er samt aldrei að fara að gerast“

Króli skorar á Áslaugu Örnu og býður henni húsið sitt – „Þetta er samt aldrei að fara að gerast“
Eyjan
Fyrir 5 dögum

Staðan gjörbreytt í prófkjöri Sjálfstæðismanna – Brynjar hrynur niður listann

Staðan gjörbreytt í prófkjöri Sjálfstæðismanna – Brynjar hrynur niður listann
Eyjan
Fyrir 6 dögum

Guðlaugur bíður með sigurdansinn – „Nóttin er ung“

Guðlaugur bíður með sigurdansinn – „Nóttin er ung“
Eyjan
Fyrir 6 dögum

Segir Samherja ekki hafa gert hreint fyrir sínum dyrum – „Ákaflega dapurt, svo ekki sé sterkara að orði kveðið“

Segir Samherja ekki hafa gert hreint fyrir sínum dyrum – „Ákaflega dapurt, svo ekki sé sterkara að orði kveðið“
Eyjan
Fyrir 1 viku

Drífa skýtur aftur á PLAY – „Í því felst mikil vanvirðing“

Drífa skýtur aftur á PLAY – „Í því felst mikil vanvirðing“