fbpx
Miðvikudagur 12.maí 2021
Eyjan

Karen Kjartansdóttir hætt hjá Samfylkingunni – „Takk elsku Karen fyrir allt“ 

Erla Dóra Magnúsdóttir
Föstudaginn 9. apríl 2021 10:03

Karen Kjartansdóttir.

Ekki missa af Helstu tíðindum dagsins í pósthólfið þitt

Lesa nánar

Framkvæmdastjóri Samfylkingarinnar, Karen Kjartansdóttir, hefur sagt óskað eftir starfslokum hjá flokknum, en hún hefur gegnt starfinu undanfarin tvö ár. Ástæðan mun vera samstarfsörðugleikar við Kjartan Valgarðsson sem nýlega var kjörinn formaður framkvæmdastjórnar Samfylkingarinnar. Hún birti yfirlýsingu vegna þessa í Facebook-hóp Samfylkingarinnar.

Ég vil óska Samfylkingarfólki hjartanlega til hamingju með öfluga framboðslista fyrir Alþingiskosningarnar í haust en þeir liggja nú flestir fyrir. Á sama tíma vil ég þakka öllu flokksfólki fyrir samfylgdina undanfarin tvö og hálft ár en ég hef óskað eftir starfslokum sem framkvæmdastjóri flokksins og hefur formaður flokksins fallist á þá ósk mína.

Á síðasta landsfundi kusu flokksmenn nýjan formann framkvæmdarstjórnar, það liggur í eðli starfseminnar að framkvæmdarstjóri og formaður framkvæmdarstjórnar þurfi að eiga mjög náið samstarf. Fljótlega kom í ljós að hugmyndir okkar um samstarfið væru of ólíkar til að það gæti gengið.

Ég tel því farsælast fyrir Samfylkinguna að leiðir skilji á þessum tímamótum og áður en kosningabarátta hefst af fullum krafti. Ég vil sérstaklega þakka Loga Einarssyni, formanni Samfylkingarinnar, Heiðu Björg Hilmisdóttur, varaformanni og Ingu Björk Bjarnadóttur, fyrrverandi formanni framkvæmdastjórnar, fyrir góð samskipti og ánægjulegt samstarf. Samfylkingarfélögum óska ég velfarnaðar og flokknum velgengni í komandi kosningum“

Óhætt er að segja að ólga hafi verið meðal Samfylkingarmanna undanfarna mánuði þar sem mikið hefur verið deilt um fyrirkomulag uppstillinga á lista flokksins fyrir komandi kosningar. Meðal þess sem gripið hefur verið til var að Kjartan ákvað að reyna að lægja öldur með því að taka upp ritstkoðun á Faceboook-vettvangi flokksins, en sú aðgerð hefur lagst misvel í flokksmenn.

Undir færslu Karenar á áðurnefndum hóp senda margir Karen kveðju og segja þetta slæmar fréttir.

Inga Björk Margrétar Bjarnadóttir, fyrrverandi formaður framkvæmdastjórnar segir: „Mikil gæfa að hafa fengið að kynnast þér og vinna með þér.“

Helga Vala Helgadóttir, þingmaður, skrifar: „Takk kæra Karen fyrir samstarfið. Hlakka til að sjá til þín um allt samfélag og fjöll.“

Albertína Friðbjörg Elíasdóttir, þingmaður, þakkar Karen fyrir allt: „Takk elsku Karen fyrir allt.“

Heiða Björg Hilmisdóttir, varaformaður Samfylkingarinnar, skrifar: „Takk fyrir mikilvægt framlag og fallegt samstarf kæra Karen. Þú komst inn á flóknum tíma í flokknum og átt stóran þátt í uppbyggingu hans á liðnum árum.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 2 dögum

Vinnur skýrslu um leghálsskimanir – „Hafa breytingarnar vakið sterk viðbrögð í samfélaginu, ekki síst af hálfu kvenna“

Vinnur skýrslu um leghálsskimanir – „Hafa breytingarnar vakið sterk viðbrögð í samfélaginu, ekki síst af hálfu kvenna“
EyjanFastir pennar
Fyrir 3 dögum

Dómari tekur til máls

Dómari tekur til máls
Eyjan
Fyrir 1 viku

Play ætlar ekki að sigra heiminn – Lítið flugfélag sem á að skila góðri afkomu

Play ætlar ekki að sigra heiminn – Lítið flugfélag sem á að skila góðri afkomu
Eyjan
Fyrir 1 viku

Ísland hefur enn ekki viðurkennt þjóðarmorð Tyrkja á Armenum

Ísland hefur enn ekki viðurkennt þjóðarmorð Tyrkja á Armenum