fbpx
Laugardagur 15.maí 2021
Eyjan

Jóhann Páll segir að hamagangurinn geti orðið tryllingslegri – „Yfirgangurinn mun halda áfram að eitra út frá sér og bitna á okkur öllum“

Máni Snær Þorláksson
Mánudaginn 26. apríl 2021 15:30

Jóhann Páll Jóhannsson. Mynd: Facebook

Ekki missa af Helstu tíðindum dagsins í pósthólfið þitt

Lesa nánar

Jóhann Páll Jóhannsson, þingframbjóðandi Samfylkingarinnar, segir að þögn margra þingmanna í Samherjamálinu sé ekki bara sláandi heldur sé „hin virka varðstaða ráðandi stjórnmálaafla um óbreytt fyrirkomulag í sjávarútvegi“ það einnig.

Jóhann segir að í þessu óbreytta fyrirkomulagi sé kvóta úthlutað langt undir markaðsverði og að meirihlutinn fari til örfárra fyrirtækja og fjölskyldna.

„Þetta er kerfið sem gerir eigendum Samherja og annarrastórútgerða kleift að raka til sín arðinum af fiskveiðiauðlindinniog nota hann til að öðlast æ meiri ítök í íslensku viðskiptalífi,“ segir Jóhann í pistli sínum um málið sem birtist á Vísi í dag. „Veiðigjöldin sem útgerðarfyrirtæki greiða fyrir aðgang að auðlindinni hafa lækkað umtalsvert á yfirstandandi kjörtímabili og blikna í samanburði við arðgreiðslurnar sem renna til eigenda fyrirtækjanna.“

Jóhann segir að þessi þróun sé pólitísk ákvörðun stjórnarflokkanna, fólksins sem stjórnar landinu. Jóhann fer þá yfir þá hluti sem hann segir að stjórnarflokkarnir séu að gera. Hann segir til dæmis að stjórnarflokkarnir sitji hjá á meðan kvótinn safnast á hendur æ færri nátengdra fyrirtækja. Hann segir þá viðhalda „ónýtum reglum“ um hármarksaflahlutdeild.

„Þau gelda stofnanirnar sem hafa eftirlit með nýtingu fiskveiðiauðlindarinnar og skattakúnstum Samherja; fyrst með því að grafa undan starfsgetu Fiskistofu og svo með því að leggja niður embætti skattrannsóknarstjóra. 

Þau styðja við gegndarlausa auðsöfnun hinna fáu með því að viðhalda skattkerfi sem hyglar þeim tekju- og eignamestu á kostnað okkar hinna. 

Þau hunsa ákallið um þjóðareign auðlinda sem kom fram í þjóðaratkvæðagreiðslunni 2012 og leggja í staðinn fram bitlaust ákvæði þar sem hvorki er kveðið skýrt á um tímabindingu afnotaréttarins né eðlilega gjaldtöku.“

„Yfirgangurinn mun halda áfram að eitra út frá sér“

Jóhann segir að stjórnmálamenn hafi búið til svokallaða ofurstétt, þessi ofurstétt eignar sér fiskinn í sjónum við Ísland. Hann kallar þá sem eru í þessari ofurstétt olígarka og vísar þar til hinna rússnesku olígarka sem stjórna Rússlandi bak við tjöldin. Hann segir að olígarkarnir hér á landi eitri og skekkji þjóðmálaumræðu á Íslandi.

Han segir þá kaupa upp fjölmiðla og pólitíkusa og að þeir reki áróðursstríð gegn blaðamönnum, embættismönnum og eftirlitsstofnunum, hverjum þeim sem ógnar sérhagsmunum þeirra. Þá segir hann að þessir svokölluðu olígarkar virðist hafa sagt sig úr lögum við samfélagið hér á landi.

„Yfirgangurinn mun halda áfram að eitra út frá sér og bitna á okkur öllum meðan samherjar Samherja stjórna Íslandi. En búum okkur líka undir að hamagangurinn verði enn tryllingslegri ef ný ríkisstjórn, staðráðin í tryggja almenningi réttmætan arð af auðlindum sjávar, tekur við stjórnartaumunum eftir Alþingiskosningar í haust,“ segir Jóhann í lok pistilsins.

„Þá verða ramakvein Samherjavaldsins staðfesting á því að við séum réttri leið.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 2 dögum

Bjarni segir að það sé ekki nóg til – Segir slagorð ASÍ á 1. maí vera rangt – „Það vantar 300 milljarða“

Bjarni segir að það sé ekki nóg til – Segir slagorð ASÍ á 1. maí vera rangt – „Það vantar 300 milljarða“
Eyjan
Fyrir 2 dögum

Dóra svarar fullum hálsi – „Þá verða þau voðalega móðguð og sár sem er klassískt fyrir Sjálfstæðisflokkinn“

Dóra svarar fullum hálsi – „Þá verða þau voðalega móðguð og sár sem er klassískt fyrir Sjálfstæðisflokkinn“
Eyjan
Fyrir 2 dögum

Unnið að endurfjármögnun Vaðlaheiðarganganna

Unnið að endurfjármögnun Vaðlaheiðarganganna
Eyjan
Fyrir 3 dögum

Kolbeinn dregur framboð sitt til baka vegna slæmrar framkomu sinnar við konur

Kolbeinn dregur framboð sitt til baka vegna slæmrar framkomu sinnar við konur
EyjanFastir pennar
Fyrir 5 dögum
Dómari tekur til máls
Eyjan
Fyrir 6 dögum

Vilja grímurnar burt – Segir fáa trúa því að grímuskylda breyti nokkru um útbreiðslu faraldursins

Vilja grímurnar burt – Segir fáa trúa því að grímuskylda breyti nokkru um útbreiðslu faraldursins
Eyjan
Fyrir 1 viku

Atli Þór Fanndal – Í stríði gegn spillingu – „Þegar ég heyrði fyrst af þessu hristi ég bara höfuðið“

Atli Þór Fanndal – Í stríði gegn spillingu – „Þegar ég heyrði fyrst af þessu hristi ég bara höfuðið“