Í nýjasta Þjóðarpúls Gallup kemur fram að stuðningur við ríkisstjórnina eykst milli mánaða. Um 60,5% segjast styðja sitjandi ríkisstjórn Katrínar Jakobsdóttur en það er um þriggja prósentustiga aukning milli mælinga.
Fylgi Miðflokksins og Samfylkingarinnar hefur breyst hvað mest milli mælinga, Miðflokkurinn bætir við sig tveimur prósentustigum og er með 9,5% fylgi á meðan Samfylkingin tapar tveimur og er með 12,7% fylgi.
Sjálfstæðisflokkurinn er enn stærstur með 23% fylgi en á eftir koma ásamt Samfylkingunni Vinstri grænir með 12,3%, Píratar með 11,5%, Framsóknarflokkurinn með 11,1% og Viðreisn og Píratar með 9,5%. Flokkur fólksins og Sósíalistaflokkurinn mælast báðir með 5% fylgi.
Tæplega 11% taka ekki afstöðu eða vilja ekki gefa hana upp og liðlega 8% segjast myndu skila auðu eða ekki kjósa.
