fbpx
Miðvikudagur 14.apríl 2021
Eyjan

Hættulegt að banna djamm? – Aðalheiður útskýrir hvers vegna

Ágúst Borgþór Sverrisson
Miðvikudaginn 17. mars 2021 11:00

Aðalheiður Ámundadóttir.

Ekki missa af Helstu tíðindum dagsins í pósthólfið þitt

Lesa nánar

„Þótt réttur unga fólksins til að djamma fram á rauða nótt teljist í hugum margra til léttvægra réttinda, er, þegar nánar er að gáð, um algert grundvallarmál að ræða. Samfélag sem leyfir ekki djamm er ekki frjálst samfélag,“ segir Aðalheiður Ámundadóttir, fréttastjóri Fréttablaðsins, í leiðara blaðsins í dag. Aðalheiður vekur þar athygli á því að traust fólk til opinberra stofnana og valdhafa hér á landi hefur snaraukist í réttu hlutfalli við auknar samkomutakmarkanir vegna kórónuveirufaraldurins. Aðalheiður bætir um betur hvað varðar hætturnar við djammbann og segir:

„Í slíku samfélagi er tjáning ekki óheft, skoðanir ekki frjálsar og viðskiptafrelsi ekki við lýði. Í slíku samfélagi lærir unga kynslóðin undirgefni, kúgun og ótta við yfirvöld. Það mun hafa áhrif á hana langt fram á fullorðinsár og breyta samfélaginu til hins verra um langa framtíð.“

Núna á tímum samkomutakmarkana hefur traust á lögreglu, dómstólum og alþingi aukist. Traust til heilbrigðisráðherra, Svandísar Svavarsdóttur, jókst eftir að hún undirritaði reglugerðir um takmarkað ferðafrelsi. Þá sýna nýlega kannanir að samkomutakmarkanir njóta stuðnings yfir 90% landsmanna.

Aðalheiður segist ekki setja sig upp á móti samkomutakmörkunum og hún skilur að þjóðin sé ánægð með hvernig tekist hefur til í baráttunni við faraldurinn. Frelsisskerðingin sé hins vegar fordæmalaus og hana megi ekki festa í sessi:

„…umburðarlyndið gagnvart þeirri fordæmalausu frelsisskerðingu borgaranna sem gilt hefur í heilt ár er uggvænlega mikið og eðlilegt að fylgismenn mannréttinda hafi af því töluverðar áhyggjur, enda hefðu fáir trúað því fyrir ári að þjóðin myndi taka slíkum mannréttindaskerðingum svo fagnandi sem raun ber vitni.“

Aðalheiður segir enn fremur:

„Faraldurinn er ekki tækifæri til að herða tökin eða skerða athafnafrelsi fólks til frambúðar. Grípi forsjárhyggjufólk tækifærið í þessu sérkennilega andrúmslofti hlýðni og undirgefni er voðinn vís, jafnvel þótt það líti svo á að um skynsamlegar ráðstafanir sé að ræða.“

Svo er að skilja á fréttastjóra Fréttablaðsins að hún óttist að forsjárhyggjufólk muni freista þess að festa djammbann í sessi eftir að faraldrinum lýkur. Þjóðfélagsleg nauðsyn sé að unga fólkið skynji að það sé frjálst:

„Ef okkur er annt um akademískt frelsi fræðimanna, stjórnmálafrelsi, viðskiptafrelsi, kosningarétt og önnur mikilsverð mannréttindi, hleypum við djömmurunum á galeiðuna um leið og það er öruggt og ekki degi síðar. Því þegar þessu er lokið þarf unga kynslóðin að vita og finna í hjarta sér að hún sé frjáls.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 4 dögum

Hildur vill opna eina sundlaug í Reykjavík fyrir bólusetta eldri borgara – „Tímabært að huga að opnara og frjálsara samfélagi“

Hildur vill opna eina sundlaug í Reykjavík fyrir bólusetta eldri borgara – „Tímabært að huga að opnara og frjálsara samfélagi“
Eyjan
Fyrir 4 dögum

Skýtur á dómsmálaráðherra vegna frumvarps um vernd barna gegn barnaníðsefni

Skýtur á dómsmálaráðherra vegna frumvarps um vernd barna gegn barnaníðsefni
EyjanFastir pennar
Fyrir 4 dögum
Farsóttarfangelsið
Eyjan
Fyrir 1 viku

Framsóknarmenn leggja fram frumvarp varðandi breytingar á áfengislögum

Framsóknarmenn leggja fram frumvarp varðandi breytingar á áfengislögum
Eyjan
Fyrir 1 viku

Brynjar segir að ráðist sé á meðlimi siðanefndar RÚV – „Mér finnst að Föstudagurinn langi eigi að vera dagur uppljóstrara“

Brynjar segir að ráðist sé á meðlimi siðanefndar RÚV – „Mér finnst að Föstudagurinn langi eigi að vera dagur uppljóstrara“