fbpx
Fimmtudagur 20.janúar 2022
Eyjan

Rætt um Jón Gunnarsson og aðstoðarmenn hans í Silfrinu – „Þessi þriggja manna hrútastía er ekki gæfuleg ásýndar“

Ritstjórn Eyjunnar
Sunnudaginn 5. desember 2021 12:01

Skjáskot RÚV

Ekki missa af Helstu tíðindum dagsins í pósthólfið þitt

Lesa nánar

Sú ráðstöfun að skipa Jón Gunnarsson dómsmálaráðherra og ákvörðun hans um að ráða þá Hrein Loftsson og Brynjar Níelsson sem aðstoðarmenn voru ræddar í Silfrinu á RÚV í dag og sitt sýndist hverjum.

„Þessi hrútastía er ekki gæfuleg ásýndasr“ sagði Runólfur Ágústsson og vísaði til að þarna væru þrír karlmenn á sjötugsaldri með svipuð viðhorf. Runólfur vildi þó ekki dæma verk mannanna í ráðuneytinu fyrirfram.

Þessar ráðstafanir hafa valdið mikilli ólgu í samfélaginu, sérstaklega á meðal þeirra sem berjast fyrir rétti þolenda í kynferðisbrotamálum og kynbundnu ofbeldi. Er þar sérstaklega vísað til ýmissa ummæla Brynjars um kynferðisbrotamál og afstöðu Jóns til þungunarrofsfrumvarps sem varð að lögum 2019, sem og frumvarp Brynjars um fangelsisdóma á foreldra sem tálma umgengni.

Ólína Þorvarðardóttir sagðist ekki vilja kveða upp neina dóma um innræti manna en sagði þessar ráðstafanir vera mjög eintóna. Hún sagði að framganga Jóns og Brynjars í umræðunni hefði verið með þeim hætti að lítils trausts væri að vænta hjá þeim hópum sem láta sig umrædd málefni varða. Hún sagðist skilja vel áhyggjur þeirra sem mótmæla þessu.

Stefán Einar Stefánsson tók ekki í sama streng, hann sagði Brynjar vera heiðarlegan og vandaðan mann og hann hefði enga trú á að þessir menn myndu ganga á rétt þolenda í kynferðisbrotamálum en þeir myndu standa vörð um réttarríkið. Það kæmi honum ekki á óvart ef þessir menn myndu ráðast í breytingar sem kæmu sér vel fyrir brotaþola í kynferðisbrotamálum. Taldi hann það anga af slaufunarmenningu að hamast gegn því að Jón Gunnarsson réði sér aðstoðarmenn með sömu viðhorf og hann sjálfur.

Ólína sagðist ekki efast um innræti og hæfni Brynjars en benti á að hann og Jón hefðu verið mjög ögrandi í umræðunni.

Rætt var um að lítill ferskleiki væri yfir þessari liðskipan í dómsmálaráðuneytinu. „Við þekkjum það í okkar matargerð, við Íslendingar, að ferskleiki er ekki allt,“ sagði Stefán Einar þá hlæjandi.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 2 dögum

Viðreisn vill fá skýrslu frá ráðherrum um sóttvarnatakmarkanir

Viðreisn vill fá skýrslu frá ráðherrum um sóttvarnatakmarkanir
Eyjan
Fyrir 3 dögum

„Veiran sem um ræðir veldur ekki veikindum, eða svo litlum og hjá svo fáum að engu máli skiptir,“ segir Jón Steinar

„Veiran sem um ræðir veldur ekki veikindum, eða svo litlum og hjá svo fáum að engu máli skiptir,“ segir Jón Steinar
Eyjan
Fyrir 3 dögum

Tókust á um fjölgun starfa hjá borginni – „Verður fólki sagt upp í kjölfarið?“

Tókust á um fjölgun starfa hjá borginni – „Verður fólki sagt upp í kjölfarið?“
Eyjan
Fyrir 3 dögum

Mikil spenna víða um heim – „Það eru ákveðin líkindi með stöðunni sem leiddi til fyrri heimsstyrjaldarinnar“

Mikil spenna víða um heim – „Það eru ákveðin líkindi með stöðunni sem leiddi til fyrri heimsstyrjaldarinnar“
Eyjan
Fyrir 1 viku

Orðið á götunni: Reynsluboltarnir leita eftir endurkjöri hjá Samfylkingunni – Áhugaverðir nýliðar gætu valdið usla

Orðið á götunni: Reynsluboltarnir leita eftir endurkjöri hjá Samfylkingunni – Áhugaverðir nýliðar gætu valdið usla
Eyjan
Fyrir 1 viku

Steinunn nýr formaður Læknafélags Íslands

Steinunn nýr formaður Læknafélags Íslands