Þau tíðindi hafa nú borist að fyrrverandi þingmaðurinn og lögfræðingurinn Brynjar Níelsson er kominn með vinnu. Innherji á Vísi greina frá þessari nýju vendingu.
Brynjar sjálfur ætti að vera himinlifandi með þessi tíðindi enda sagði hann í nýlegu jólaviðtali við Morgunblaðið að það væri von hans að á nýju ári væri einhvern tilbúinn að ráða hann í vinnu.
Sjá einnig: Annálaður fýlupúki vekur eftirtekt á forsíðu jólablaðs – „Þetta er það ógnvænlegasta sem ég hef séð“
Hann verður nú aðstoðarmaður Jóns Gunnarssonar, innanríkisráðherra, í innanríkisráðuneytinu og slæst þar í hóp með Hreini Loftssyni lögmanni sem einnig mun aðstoða Jón.
Jón Gunnarsson fer með þau mál sem áður heyrðu undir dómsmálaráðherra, en hefð hefur verið fyrir því að slíkur ráðherra sé löglærður. Það er Jón hins vegar ekki og því sætir það engri furðu að báðir aðstoðarmenn hans séu reynsluhestar úr lögmennskunni.
Eyjan óskar Brynjari til hamingju með nýju vinnuna og vonar að hann verði farsæll í starfi.
Líklega verða margir glaðir að vita til þess að Brynjar verði enn tengdur pólitíkinni enda hefur hann gjarnan verið þverpólitísk sátt meðal þingmanna um að hann hafi verið skemmtilegasti þingmaðurinn þegar hann sat á þingi þrátt fyrir að vera sjálftitlaður fýlupúki.