Guðlaugur Þór Þórðarson, utanríkis- og þróunarsamvinnuráðherra, er nú kominn í sóttkví eftir að einn úr starfsliði ráðuneytisins greindist jákvæður í skimun vegna COVID-19 í gær. Guðlaugur er búinn að fara í eitt PCR-próf og fer í annað próf á laugardag. Verði niðurstaðan þá neikvæð er hann laus úr sóttkví. Þetta kemur fram í tilkynningu. Þar segir enn fremur:
„Ráðherra hefur ekki fundið fyrir einkennum og kennir sér einskis meins. Auk hans eru tveir starfsmenn ráðuneytisins í sóttkví.“
