Sigríður Á. Andersen, fyrrverandi dómsmálaráðherra og fyrrverandi þingmaður Sjálfstæðisflokksins, gerir athugasemd við ferð stórrar sendinefndar Íslands á loftslagsráðstefnuna í Glasgow, COP-26, sem hefst á sunnudaginn.

Eins og Fréttablaðið greindi frá í dag eru um 50 manns í íslensku sendinefndinni, þar á meðal Katrín Jakobsdóttir forsætisráðherra, Guðmundur Guðbrandsson umhverfisráðherra og Dagur B. Eggertsson borgarstjóri. Meðal annarra í nefndinni eru Árni Finnsson, frá Náttúruverndarsamtökum Íslands, og Tinna Halldórsódttir, formaður ungra umhverfissinna.

Sigríður spyr hvort hægt sé að finna einhvern í íslensku sendinefndinni sem ekki hafi predikað yfir fólki að ferðast minna vegna hamfarahlýnunar og Covid-19. Hún ritar eftirfarandi pistli á Facebook:

„Er einhver 50 fulltrúa Íslands sem er á leið á loftslagsráðstefnuna sem hefur ekki:

1. a) sagt okkur hinum að ferðast minna vegna „hamfarahlýnunar“?
2. b) skipað okkur hinum að vera heima vegna þess að smitum sé að fjölga og „við séum öll almannavarnir“?

Og nú er Ísland orðið ,,rautt“ (þeirra eigin orð). Ætla ráðherrar og aðrir opinberir starfsmenn virkilega að fara yfir landamærin og hætta á að bera veiruna til útlanda og í fólk frá ,,grænum“ löndum?“