„Hvernig sem menn líta á málið frá e-m lagatæknilegum hliðum þá er það ofar mannlegri rökhyggju að landskjörstjórn sem gefur út opinbera yfirlýsingu um að kosning hafi ekki fullnægt lagaskilyrðum gefi út kjörbréf fyrir þingmenn sem að hennar mati eru kjörnir með ófullnægjandi hætti,“ segir Össur Skarphéðinsson, fyrrverandi ráðherra, um þá ákvörðun landskjörstjórnar að gefa út kjörbréf til nýrra alþingismanna í samræmi við endurtalningu atkvæða út Norðvestur-kjördæmi, þrátt fyrir að hafa lýst því yfir að nefndinni hafi ekki borist staðfesting frá yfirkjörstjórn kjördæmisins um að meðferð og varðveisla kjörgagna á talningarstaðnum hafi verið fullnægjandi.

Össur lætur þessi ummæli falla í umræðum um málið á FB-síðu Björns Inga Hrafnssonar, ritstjóra Viljans.

Samkvæmt stjórnarskrá er það síðan Alþingis að úrskurða um hvort svo miklir ágallar hafi verið á framkvæmd kosninga að þeir hafi haft áhrif á kosningarúrslit. Svokölluð kjörbréfanefnd verður skipuð á fyrsta fundi nýs þings og hún mun úrskurða um hvort kjörbréfin haldi.

Össur telur þetta ekki ganga upp en frekari umræður um málið má lesa með því að smella á tengilinn hér að neðan.