Áslaug Arna Sigurbjörnsdóttir, dómsmálaráðherra, fór þá óhefðbundu leið að bjóða almenning að dæma frammistöðu sína á kjörtímabilinu. Hægt er að dæma ráðherra á vefsvæði hennar undir liðnum Dæmdu ráðherra. Sitt sýnist þó hverjum.
Óskar Steinn Jónínuson Ómarsson, varaformaður ungra jafnaðarmanna, telur ljóst að annarlegur tilgangur sé að baki þessu framtaki sem hafi ekkert að gera með frammistöðu ráðherrans.
„Af hverju ekki að koma bara hreint fram með megintilgang þessa framtaks, sem er að safna persónuupplýsingum stuðningsfólks til að nýta í prófkjöri Sjálfstæðisflokksins? Af hverju þetta leikrit?,“ skrifar Óskar á Twitter.
Af hverju ekki að koma bara hreint fram með megintilgang þessa framtaks, sem er að safna persónuupplýsingum stuðningsfólks til að nýta í prófkjöri Sjálfstæðisflokksins? Af hverju þetta leikrit? https://t.co/Agb0Zhdicy
— 🌏🌹 óskar steinn 🌹🌍 (@oskasteinn) January 9, 2021
Bendir hann á að í persónuverndarstefnu á síðunni komi fram að hægt sé að safna persónuupplýsingum sem varpað geti ljósi á stjórnmálaskoðanir. Í persónuverndarstefnu kemur meðal annars fram:
„Eðli máls samkvæmt vinnur félagið persónuupplýsingar sem geta varpað ljósi á stjórnmálaskoðanir þínar. Slíkar upplýsingar geta talist viðkvæmar persónuupplýsingar. Dæmi um slíkar upplýsingar geta verið skoðanir sem koma fram í svörum frá þér þegar við höfum samband við þig, eins og t.d. hvort þú hyggist kjósa í prófkjöri og þá hvort þú hyggist kjósa Áslaugu Örnu í prófkjöri. Þetta gerum við til þess að við getum haft yfirsýn í kosningabaráttu.“
Óskar segir að yfirborðskennd og innihaldslaus stjórnmálaumfjöllun íslenskra fjölmiðla sé hægt að koma á óvart.
„Yfirborðskennd og innihaldslaus stjórnmálaumfjöllun íslenskra fjölmiðla er hætt að koma á óvart en come on. Persónuverndarstefnan er þarna á síðunni“