Í vændum er æsispennandi kosningakvöld og meðal þeirra sem eru í baráttusætum í sínu kjördæmi er Brynjar Níelsson, þingmaður Sjálfstæðisflokksins og lögmaður.

Brynjar, sem er í framboði í Reykjavík norður, sendi út ákall fyrr í kvöld, þar sem hann hvatti fólk til að kjósa sig, og lét fylgja með að samkvæmt skoðanakönnunum séu ekki nema um helmingslíkur á því að hann nái kjöri.

Þegar þessar línur eru birtar eru aðeins fimm mínútur þar til kjörstaðir loka og hæpið að nokkur getið hlaupið út til að kjósa Brynjar aðeins vegna þessarrar greinar.

Athygli vekur að Brynjar virðist ekki aðeins vilja ná kjöri sjálfs sína vegna heldur dregur hann eiginkonu sína inn í málið.

Í umræðu við færsluna er nefnt að kannski vilji fólk frekar að Brynjar starfi sem lögmaður. Spéfuglinn sem hann er nefnir  Brynjar þá að það gæti frekar verið martröð en nokkuð annað.

Þegar fólk segist frekar vilja hann á þingi tekur hann þar undir með orðunum: „Já, eins og konan mín. Hún getur ekki hugsað sér að hafa mig heima.“