Svandís Svavarsdóttir heilbrigðisráðherra segir í viðtali við sjónvarpsstöðina Hringbraut að í dag standi yfir samningaviðræður við einkaaðila um að manna gjörgæsludeildir heilbrigðiskerfisins í Covid-faraldrinum. Fréttablaðið greinir frá.

„Þetta eru aðilar sem eru að reka heil­brigðis­þjónustu úti í bæ en hafa tekið því vel þegar við höfum leitað eftir því að þau geti ljáð okkur lið, eða lagt okkur lið öllu heldur. Bæði læknar og hjúkrunar­fræðingar og fjöl­breyttara starfs­fólk, sem er að hjálpa okkur að manna þessar deildir sem að mæðir mest á,“ segir Svan­dís.

Aðspurð hvort þetta sé ekki á skjön við hennar pólitík sem hefur á­vallt verið andsnúin einka­væðingu heil­brigðis­þjónustu, segir Svan­dís að það sé í takt við hennar pólitík að leysa málin.

Nánar verður rætt við Svandísi á Fréttavaktinni sem hefst á Hringbraut kl. 18:30.