Sanna Magdalena Mörtudóttir, borgarfulltrúi Sósíalistaflokksins, bendir á áhugaverðan punkt í stuttri færslu sem birtist á Facebook. Umfjöllunarefnið eru laun Strætóbílstjóra og útvistun.

Útvistun er þegar fyrirtæki fær undirverktaka til að sjá um verkefni sem starfsmenn þess hafa áður séð um. Sanna bendir á að þeir vagnstjórar sem séu á vegum Kynnisferða séu með lægri grunnlaun en þeir sem eru ráðnir beint hjá Strætó.

„Grunnlaun hjá vagnstjórum Kynnisferða sem aka fyrir Strætó bs. eru 360.898 kr.

Grunnlaun hjá vagnstjórum sem eru ráðnir beint inn í gegnum Strætó bs. og eru hjá Sameyki eru 398.424 kr.

Þetta eru afleiðingar útvistunar. Fólk sem sinnir sömu vinnu fær ekki greitt sömu laun fyrir sömu störf og þarf að vinna lengur fyrir minna kaup. “

Sanna segir sveitarfélögin ábyrg fyrir þessu, og segir þau skulda strætóbílstjórum pening.

„Ábyrgðin er sveitarfélaga. Stætó bs. skuldar vagnstjórum tæpar 40 þúsund á mánuði, samtals um 450 þúsund á ári. Burt með útvistun.“