fbpx
Föstudagur 24.september 2021
Eyjan

Eyþór segir að örvænting hafi stýrt kaupum Reykjavíkurborgar á kynlífshjálpartækjaverslun – Nýtt húsnæði hefði verið betra og heilnæmara

Björn Þorfinnsson
Þriðjudaginn 13. júlí 2021 10:01

Eyþór Arnalds

Ekki missa af Helstu tíðindum dagsins í pósthólfið þitt

Lesa nánar

Eyþór Arnalds, oddviti Sjálfstæðismanna, segir að panikk hafi ráðið því að Reykjavíkurborg fjárfesti í gömlum verslunarkjarna við Kleppsveg, sem meðal annars hýsti kynlífshjálpartækjaverslunina Adam & Evu, fyrir 652 milljónir króna. Þetta kemur fram í aðsendri grein hans í Fréttablaðið.  Ætlunin er að breyta húsnæðinu í leikskóla fyrir 120 börn en undanfarnar vikur hefur verið tekist á um síhækkandi kostnaðaráætlanir verkefnisins. Upphaflega var gert ráð fyrir að kostnaðurinn yrði um 367 milljónir króna til viðbótar en núna er gert ráð fyrir að kostnaðurinn geti orðið allt að 989 milljónir til viðbótar við kaupverðið.

Minnihlutinn í borginni hefur verið gagnrýninn á að verkefnið sé komið fram úr áætlunum en Dagur B. Eggertsson borgarstjóri hefur gripið til varna og sagt fréttaflutninginn villandi enda sé verkefnið ekki farið af stað. Fyrst hafi verið lögð fram frumkostnaðarkostnaðaráætlun og ekkert sé óeðlilegt við að ítarlegra kostnaðaráætlun sé hærri. Alltaf hafi legið fyrir að um óvissuferð væri að ræða.

Í grein dagsins bendir Eyþór á fyrri framkvæmdasögu borgarinnar sem sé ekki fögur að hans mati. „Braggamálið var stjórnlaust viðhaldsverkefni.Fossvogsskóli mátti þola vanrækt viðhald, meira en hálfan milljarð í viðgerð sem ekki dugði og þöggun. Af þessum mistökum átti að læra. Því vaknar spurningin: Af hverju var farið í þessi kaup án þess að endanleg kostnaðaráætlun lá fyrir um að gera húsnæðið upp?“ skrifar Eyþór.

Örvæntingin dýr

Að hans mati er svarið einfalt – panikk. „Panikk kostar. Á kosningafundi fyrir þremur árum lofaði Samfylkingin leikskólaplássum fyrir 12 mánaða börn. Um þessar mundir eru um sjö hundruð börn á biðlista. Nú er farið í að reyna að efna loforðið þegar innan við ár er til kosninga. Hugmyndir eru um bráðabirgðalausnir; leikskóla í rútum, leikskóla á hringtorgi og svo þessi kaup. Það var í raun ekkert plan um efndir þegar leikskólaplássum var lofað fyrir síðustu kosningar. Þess í stað er hlaupið í að kaupa húsnæði í niðurníðslu með ærnum tilkostnaði. Nýtt húsnæði hefði ekki aðeins verið miklu ódýrara. Það hefði líka verið betra og heilnæmara,“ segir Eyþór.

Hann segir að kaupin hafi kannski þótt fyndin þegar Dagur B. stærði sig af þeim á Twitter en að þau séu það ekki lengur. „Þegar illa er farið með skattfé er minna til annarra verka. Minna fé í annað skólahúsnæði. Minna fé í önnur leikskólapláss. Á þessu kjörtímabili hefur borgin eytt um efni fram. Á þessu ári eru tekin lán fyrir öllum framkvæmdum. Það er því enn grátlegra þegar þessu lánsfé er sólundað.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Í gær

Viktor Orri varar við málflutningi Gunnars Smára – „Stórhættuleg viðhorf til meðferðar ríkisvaldsins“

Viktor Orri varar við málflutningi Gunnars Smára – „Stórhættuleg viðhorf til meðferðar ríkisvaldsins“
Eyjan
Fyrir 2 dögum

„Hef bara aldrei heyrt annað eins“: Erjur Gunnars Smára og Jakobs Bjarnars – „Hættu að gera út á þetta kjánalega hatur á fjölmiðlum“

„Hef bara aldrei heyrt annað eins“: Erjur Gunnars Smára og Jakobs Bjarnars – „Hættu að gera út á þetta kjánalega hatur á fjölmiðlum“
Eyjan
Fyrir 2 dögum

Bjarkey sagði skilaboðin til VG skýr – Fjarlægði færsluna eftir samtal við Katrínu

Bjarkey sagði skilaboðin til VG skýr – Fjarlægði færsluna eftir samtal við Katrínu
Eyjan
Fyrir 2 dögum

Sjáðu greinina sem Gunnar Smári sagðist ekki muna eftir – Vildi einkavæða heilbrigðiskerfið í ljósi vel lukkaðrar bankaeinkavæðingar

Sjáðu greinina sem Gunnar Smári sagðist ekki muna eftir – Vildi einkavæða heilbrigðiskerfið í ljósi vel lukkaðrar bankaeinkavæðingar
Eyjan
Fyrir 3 dögum

Sigríður Á Andersen er stoltust af Landsréttarmálinu – „Já þá er ég það, og ánægð með að sú skipan stendur“

Sigríður Á Andersen er stoltust af Landsréttarmálinu – „Já þá er ég það, og ánægð með að sú skipan stendur“
Eyjan
Fyrir 3 dögum

Myndband: Inga Sæland hlær að Miðflokkskonu – „Mér finnst mjög dónalegt þegar fólk er að hlæja hérna“

Myndband: Inga Sæland hlær að Miðflokkskonu – „Mér finnst mjög dónalegt þegar fólk er að hlæja hérna“
Eyjan
Fyrir 3 dögum

Er uppáhalds „leiðindaskarfur“ Sjálfstæðismanna á útleið? Sjáðu nýstárlega kosningaauglýsingu Brynjars

Er uppáhalds „leiðindaskarfur“ Sjálfstæðismanna á útleið? Sjáðu nýstárlega kosningaauglýsingu Brynjars