Benedikt Jóhannesson, fyrrverandi formaður Viðreisnar, hefur beðið Jón Steindór Valdimarsson, þingmann flokksins, afsökunar á ummælum sínum um ástæður þess að uppstillingarnefnd flokksins færði Jón Steindór úr Suðvesturkjördæmi í Reykjavíkurkjördæmi norður.

„Ummæli mín voru án alls samráðs við Jón og í óþökk hans.  Jón Steindór er drengur góður og við höfum lengi barist fyrir sama málstað. Ég hef beðið hann afsökunar persónulega á ummælum mínum um hann og geri það hér með einnig opinberlega,“ segir Benedikt í nýrri Facebookfærslu.

Athygli vakti í morgun þegar Jón Steindór skrifaði langa Facebookfærslu þar sem hann sagðist afar sáttur við það sæti sem honum hefði verið úthlutað af uppstillingarnefnd.

„Það hefur hryggt mig meira en orð fá lýst að Benedikt Jóhannesson, sem ég hef talið góðan félaga og vin, hafi valið þá leið að gera forystu og stofnanir flokksins tortryggilegar í kjölfar þess að hann fékk ekki vilja sínum framgengt við uppstillingar á lista,“ segir Jón Steindór í færslunni.

Vonar að sérhagsmunir blindi Benedikt ekki sýn – Ég er ánægður með að fá að vera númer tvö