„Kon­ur eru nú tæp 40% þing­manna og 45% ráðherra. Þær eru nú í æ rík­ara mæli í fyrstu sæt­um í for­vali og próf­kjöri flokk­anna, sem bend­ir til þess að kon­ur verði mögu­lega í meiri­hluta þing­manna á næsta þingi.“

Svona hefst pistill Kristjáns Sigurðssonar, pró­fess­or emer­it­us, fyrr­ver­andi yf­ir­lækn­ir og sviðsstjóri á Leit­ar­stöð Krabbameinsfélags­ins og Kvenna­deild Land­spít­ala. Pistillinn birtist í Morgunblaðinu. „Það ber vissu­lega að fagna slíkri þróun ef satt reyn­ist að kon­ur hafi meira hyggju­vit en karl­ar sam­an­ber hinar oft til­nefndu „hag­sýnu hús­mæður“,“ segir Kristján.

Af orðum Kristjáns að dæma virðist hann ekki alveg sáttur með störf Svandísar Svavarsdóttur heilbrigðisráðherra. „Greinarhöfundur starfaði í ára­tugi inn­an heil­brigðisþjón­ust­unn­ar og hef­ur fylgst með afar um­deildri fram­göngu Svandís­ar Svavars­dótt­ur heilbrigðisráðherra á síðasta kjör­tíma­bili,“ segir Jón og nefnir það sem umdeilt hefur verið.

„Má þar nefna aðför að starf­semi sjálf­stætt starf­andi lækna, deil­ur um fjár­mögn­un hjúkr­un­ar­heim­ila, vist­un biðlista sjúk­linga í liðskiptaaðgerðir á er­lendri grundu, sótt­varn­ar­reglu­gerð sem ekki stóðst lög og fram­göngu henn­ar í mál­efn­um krabba­meins­leit­ar kvenna sem leiddi til dreifðrar stjórn­un­ar leit­ar sam­hliða út­vist­un grunn­rann­sókna leg­hálskrabba­meins­leit­ar til er­lendr­ar rannsókn­ar­stofu.“

Kristján segir Svandísi ekki hafa hlustað á ráðleggingar frá öðrum sérfróðum kunnáttuaðilum þegar kom að þessum málum. „Ráðherra seg­ist hér fara að ráðum „bestu sér­fræðinga“ en hlust­ar ekki eft­ir ráðlegg­ing­um annarra sér­fróðra kunn­áttuaðila,“ segir hann og bendir á að fjöl­mennur hópur kvenna hefur stofnað til Facebook-hópsins  „Aðför að heilsu kvenna“.

Þá segir Kristján að kyn frambjóðenda ætti ekki að skipta máli en mikið hefur verið rætt um uppstillingar í flokkum fyrir komandi þingkosningar. Til að mynda vakti það athygli í vor þegar Hólmfríður Árnadóttir, nýr oddviti VG í Suðurkjördæmi, sagði að það væri í lagi ef þrjár konur væru í efstu sætum framboðslista en þrír karlar í efstu sætunum væru ekki í lagi.

Sjá einnig: Oddviti VG:Þrjár konur í lagi en ekki þrír karlar – „Þetta hljómar ekki mjög jafnréttissinnað, sko“

„Reynsla síðasta kjör­tíma­bils bend­ir þannig til að í kom­andi þing­kosn­ing­um skipti kyn ein­stakra fram­bjóðenda ekki öllu máli held­ur ættu kjós­end­ur frek­ar að byggja mat sitt á trú­verðug­leika ein­stakra fram­bjóðenda og mál­efna­legri stefnu stjórnmálaflokkanna,“ segir Kristján í lokaorðum pistilsins.