Bubbi Morthens hefur verið gagnrýninn á starfshætti sjávarútvegsfyrirtækisins Samherja á dögunum og þá sérstaklega á aðför þess gegn Helga Seljan, blaðamanni RÚV.

Í færslu sem Brynjar birti á Facebook-síðu sinni í dag talar hann um Bubba sem „poppgoðið“ og segir hann Bubba þurfa að þola gagnrýni þar sem hann hefur gert sig gildandi í pólitískri umræðu.

„Að vísu hefur framganga goðsins í umræðunni falist í stóryrðum um einstaklinga og félög, einkum í málum sem hann hefur hvorki kynnt sér né hefur vit á,“ segir Brynjar í færslunni og gefur í skyn að Bubbi þurfi leiðbeiningu um hvernig verðmæti verði til.

https://www.facebook.com/brynjar.nielsson/posts/1933226220175215

Í gær birti Brynjar pistil á Vísir.is þar sem hann gagnrýndi Bubba og sagði það vera öflugum fyrirtækjum líkt og Samherja að þakka að Bubbi fengi greidd heiðurslaun listamanna.

Brynjar var gagnrýndur af þingmönnunum Guðmundi Andra Thorssyni og Helgu Völu Helgadóttur fyrir orð sín og sagði Jón Óskar myndlistarmaður, að Bubbi þyrfti enga boxhanska til að kýla Brynjar. Hann sæi bara um það sjálfur.