Á átján mánuðum jukust eignir íslenskra lífeyrissjóða um rúmlega 1.000 milljarðar eða um fimmtung. Í lok febrúar voru eignir sjóðanna 5.818 milljarðar króna og höfðu þá aukist um 52,4 milljarða á einum mánuði.

Morgunblaðið skýrir frá þessu. Fram kemur að erlendar eignir sjóðanna hafi vaxið meira en innlendar síðustu 18 mánuði. Innlendar eignir jukust um 449 milljarða króna á tímabilinu en þær erlendu um 558 milljarða. Innlendar eignir eru samt sem áður enn töluvert stærri hluti af eignasafni sjóðanna en erlendar.

Í lok mars var hlutfall innlendra eigna 66,5% en erlendra 33,5%.