„Kæru Íslendingar, nú er kominn tími til að Alþingi virði lýðræðislega niðurstöðu ferlisins sem endaði í því að meirihluti kjósenda lýsti yfir stuðningi við nýja stjórnarskrá, skrifaða í samstarfi víðs og fjölbreytts hóps. Stjórnarskrá sem allir Íslendingar áttu kost á að taka þátt í og segja skoðun sína á,“ sagði í tilkynningu Samtaka kvenna um nýja stjórnarskrá en tilkynningin birtist fyrr í sumar. „Alþingi má ekki lengur hunsa vilja kjósenda. Stjórnarskrá er grunnurinn að samfélagssáttmálanum og á meðan skýr niðurstaða kosningar er hunsuð mun löggjafinn aldrei njóta trausts, á meðan þjóðin upplifir að vilji hennar sé hunsaður sé hann valdhöfum ekki að skapi mun aldrei verða sátt.“
Nú hefur myllumerkið #hvar vakið mikla athygli á samfélagsmiðlinum Facebook og vöktu samtökin athygli á því í dag. „Umfangsmikil leit hófst í gær að stjórnarskránni nýju, en hún hefur ekki enn fundist,“ segir í færslu samtakanna. Fjölmargir hafa tekið þátt og birt myndir með myllumerkinu, bæði almenningur en einnig stjórnmálafólk og rithöfundur.
Þegar færslur með myllumerkinu #hvar eru skoðaðar má sjá fjöldan allan af myndum frá fólki sem finnur ekki nýju stjórnarskrána þrátt fyrir að hafa leitað úti um allt landið. Nokkrar Píratakonur eru á meðal þeirra sem hafa leitað að nýju stjórnarskránni. Sigurborg Ósk Haraldsdóttir og Dóra Björt Guðjónsdóttir, borgarfulltrúar Pírata, deila báðar myndum af leitinni. „Við Píratakonur leituðum allt í kringum Stjórnarráðið en fundum ekki,“ sagði Sigurborg með sinni mynd.
https://www.facebook.com/sigurborg.haraldsdottir/posts/10164120385065285
Hallgrímur Helgason rithöfundur er einnig á meðal þeirra sem hafa leitað að þessari nýju stjórnarskrá. „Hjálpið okkur að leita!“ segir Hallgrímur og hvetur fólk til þess að bæta nafninu sínu á undirskriftarlistann á vefsíðunni www.nystjornarskra.is. „Finnum hana!“
https://www.facebook.com/hallgrimur.helgason.9/posts/10158454445914178