Katrín Jakobsdóttir, forsætisráðherra, hvetur landsmenn til að fagna fjölbreytileikanum og minnast mannréttindabaráttu hinsegin fólks, alla daga. Þetta skrifar hún á Facebook í kvöld.
Sökum faraldurs COVID-19 verða Hinsegin dagar ekki haldnir á Íslandi. Katrín óskar landsmönnum engu að síður til hamingju með Hinseginn daganna, enda eigi með réttu allir dagar að vera Hinseginn dagar.
„Höfum það hugfast að allir dagar eiga að vera Hinsegin dagar, sama hvernig viðrar, dagar þar sem við fögnum fjölbreytileikanum og minnumst mannréttindabaráttu hinsegin fólks.
Við getum ekki notið hinna ýmsu viðburða í ár vegna COVID-19 en munum það í dag og alla daga, að við eigum öll rétt á að búa við frelsi, öryggi og hamingju. Öll erum við eins og við erum.
Til hamingju og gleðilega Hinsegin daga! #Hinseginheima“